Javllasávadus NSR-a jådediddjijs

Stuojmes ájgijn dárbbo la stádes  organisasjåvnnåj mij sáme ássjijt suodjal. NSR la dakkár organisasjåvnnå. Mijá sebrulattjan dån sebra stuorra aktisasjbargguj sámegielajt, kultuvrav, æládusájt ja identitehtav åvdedittjat ja suodjalittjat.

Sámesiebre, ma aktan li ålles NSR, guovddelin li dán bargon. Sáme siebre riek buorre bargov dahki.  Dán jage Biergun, Romsa ja Álta sáme siebre 50 jagijt ávvudallam li. Bierguna sámesiebrre ávvudallam kultuvrav fálaj ålles Bierguna stádaj. Kárašjoga Sámiid Searvi rávkalvisáj baktu Finnmárkokommisjåvnnå mierredam la kárášogijda Fefo-åbmudagáv.

Mijá sáme siebrij barggo la ájnas bájkálasj politihkalasj bargguj. Buorre mierredusá ja mierredime tjuovvu sáme siebrij dåjmajs. Sáme æjvválimsáje ásaduvvi. Suohkana ájggu sáme gielaj háldadimguovllujda. Dá li NSR-siebrij bargo båhtusa. Dielldenuore suohkan la aj dálla mierredam galggi háldadimguovlluj. Dát la 20 jage rahtjamus Iinná ja biras sámiid searvis. Alta suohkan la dálla åvdåsbarggosjiehtadusáv Sámedikkijn oadtjum.  Álta Sámi Searvi la måttijt jagijt tjadá dajna barggam.

Ådåsamos bájkálasj siebre libá Tråanten dajven saemien siebrie ja Láhppi sámiid searvi/ Loppa sameforening, buorisboahtem! Tråanten dajven saemien siebrie tjalmostahtteba sáme fálaldagájt. Láhppi sámiid searvi ådåstuhttá merrasáme kultuvrav. Dá guokta siebre tjalmostahtteba NSRa ájnas bargov.

Buorre NSRa sebrulattja, mijá ævtodusáj milta Sámedigge l mierredam ájnas ássjijt boahtteájgijda.  Sierraláhkaj giella ja skåvllå li årrum guovddelin, buorre sáme giellajage diehti. Buojkulvissan li ådå oahppoplána, buorep oahpponævvobarggo, buorep åhpadiddjeåhpadibme ja buorep sáme girjálasjvuohta sjaddam. Da dåjma lulu mánájda ja nuorajda ávkken sjáddi, ja duodden aj ávkken sámegielåvddånibmáj.

Boahtte jage mij  aj guhkes ja låssis ássjij barggap, gå Nussir-ássjijn, bieggafámojn, konsultasjåvnnå-lágajn, ja vijddábut sáme rievtesvuoda-ássjij. Mij russtigoahtep 2021-válgajda. Mij lip unnes organisasjåvnnå, smávva ekonomalásj resursaj. Huoman mij moatte dásijn tjadádip ållo bargov.

Gijtto gájkajda vásse jage rahtjamusájs! Vuojŋastit javlaj tjadá! Hávsskes javla ja buorre ådå jahke gájkajda!

Javllavarrudagáj Runar Myrnes Balto (jådediddje), Saia Stueng (1. jådediddje), Vidar Andersen (2. jådediddje)