Jåvleheelsegh NSRen åejvijste

Gosse lea stadtjoe saemiej gyhtjelassi bïjre, dellie Saepmie aktem siebriem daarpesje mij stuvrie jïh lea tjyölkehke jïh rïekte rudtjine saemien ïedtjh voebnesje. Daate siebrie lea NSR, jïh goh lïhtsege datne leah meatan dennie åajvoeh stoerre aktivyöki barkosne maam mijjieh ektesne darjobe juktie saemien gïelem, kultuvrem, jielemh jïh identiteetem eevtjedh jïh voebnesjidh.

Saemiesiebrieh, mah tjåanghkan leah NSR, leah aktivyöki barkoen motovre jïh gaajh åajvoeh barkoem darjoeh. 2019 libie vuesiehtimmien gaavhtan dovne Bergen jïh Romsan saemiesiebrieh heevehtamme 50 jaepieh barkojne. Bergenisnie dam aavoedin kultuvreöörnedimmiejgujmie abpe staarese. Kárašjoga sámiid searvi lea dåarjoem åådtjeme sov krïevenassesne Finnmarhkekommisjovnese gusnie tjåådtje årrojh Karasjohkesne ektesne FeFo-dajvem Karasjohkesne eekieh.

Mijjieh daejrebe jis ibie mijjen saemiesiebrieh lin desnie orreme jïh barkoem dorjeme abpe laantesne dellie ibie nuepiem åtneme voenges illedahkh jïh positijve evtiedimmiem buektiehtidh. Saemien gaavnedimmiesijjieh tseegkesuvvieh. Tjïelth jiehtieh sijjieh sijhtieh meatan årrodh saemien gïelen reeremedajvesne goh akte illedahke NSR-siebriej barkoste, guktie orre Tjeldsunden tjïelte dorje mænngan Iinná ja Biras sámiid searvi dejnie barkeme 20 jaepieh. Jïh Altan tjïelte mij daelie laavenjostoelatjkoem Saemiedigkine åådtjeme mænngan goh Álttá sámiid searvi dejnie gellie jaepieh barkeme.

Jaepien 2019 libie göökte orre voenges siebrieh åådtjeme. Buerie båeteme Tråanten dajven saemien seabran Tråantesne, mij viehkehte saemien faalenassh staaresne tseegkedh, jïh buerie båeteme Láhppi sámiid searvise mij viehkehte dejnie mearoesaemien jieliehtimmine Loppan tjïeltesne Jillie-Finnmarhkesne. Gåabpegh siebrieh sijjen vihkeles barkoem dorje aktene garmeres NSR-aerpievuekesne!

Gieries NSR-lïhtsegh, mijjen barkoen tjïrrh Saemiedigkesne libie jïjnjem buektiehtamme mij sæjhta stoerre vihkelesvoetem utnedh båetijen aejkien. Sïjhtebe sjïerelaakan gïelem jïh skuvlem neebnedh, akten hijven tjïrrehtamme saemien gïelejaepien mænngan. Orre learoesoejkesjh, orre skraejrie learoevierhtiesuerkesne, ööhpehtimmie lohkehtæjjijste saemien gïelesne jïh orre råajvarimmieh saemien lidteratuvresne sijhtieh stoerre vihkelesvoetem utnedh dovne maanide jïh noeride jïh gïeli evtiedimmien gaavhtan dej båetiji jaepiej.

2020 edtjebe aaj krïevije aamhtesigujmie barkedh goh Nussir, bïegkefaamoe, konsultasjovnelaake jïh goerehtalleme saemien reaktijste, jïh mijjieh edtjebe veeljemasse ryöjredidh 2021. Mijjieh akte onne siebrie smaave ekonomeles vierhtiejgujmie, men læjhkan jïjnjem buektiehtibie gelline daltesinie.

Jïjnjh gæjhtoeh fïereguhtese dan barkoen åvteste jaepien 2019. Slaajperdidie hijvenlaakan jåvli guktie dijjieh orre faamoem badterijide vedtede. Lahkoe jåvlh jïh buerie orre jaepie gaajhkesidie!

Jïjnjh jåvhlheelsegh Runar Myrnes Balto (åvtehke), Saia Stueng (1. mubpieåvtehke), Vidar Andersen (2. mubpieåvtehke)