VSR (NSR) Viestarmera válggabijran sjaddá barggat dáj ássjij:
- Gåtsedit duohtavuoda- ja såbadimkommisjåvnå rappårtåv. Giella-, kultuvrra-, ja sosiála dárojduhttemvahága åbddiduvvi juohkka dásen sebrudagán, duola dagu ienep sáme æjvvalimsaje, ållagasj mánájda ja nuorajda.
- Rahtjat biebbmooaggásvuoda, areálasuodjalime ja gergasvuoda hárráj åbbå Sámen. Dási gullu aj vaj mobijlla doajmmá juohkka sajen ulmutja li årromin ja mannamin.
- Ájluovta skåvlåv/Drag skole jåhtuj oadtjot julevsáme profijllaskåvllån ja åvddånahttet joarkkaskåvlåv julevsáme resurssaskåvllån.
- vaj Bådåddjo/Buvvda/Bodø, Hárstták/Harstad, Suortá/Sortland ja Áhkánjárga/Narvik sjaddi stádasuohkanin sáme giellaháldadimguovlon, ja tjalmosti sámegielav, ásadi sáme mánájgárddefálaldagájt, sáme æjvvalimsajijt, ja tjårggit vaj sámij rievtesvuoda, berustime ja kultuvrra sæbrájduvvi suohkanij plánajda.
- Nannit sebrudagá máhtukvuodav iesjbierggimij gå tjalmos sáme árbbemáhtov ja guoddelis iellemvuogijt, oassen ålles gergasvuodas.
- Tjårggit sáme rievtesvuodajt ja berustimijt suodjalusratjástimij bargadijn ålles Sámen, vieledusájn duola dagu Suodjalusá básajs, hárjjidallamijda ja infrastruktuvrraj, ållagasj mijá guovlojn.
- Nanostuhttet institusjåvnåjt Várdobáiki, Árran, Nuoraj-TV, Sállto bidumsáme guovdásj, Márkomeannu, Bárru, Stoarmmo sáme guovdásj, Ástávuona giellagoahtie ja Dållågádde.
- Julevsáme duodjeguovdásj mij barggá dokumentasjåvnåjn, dutkamijn ja duodjemáhto sirddemij buolvaj gaskan.
- Stipænnda sáme mánájgárddeåhpadiddje- ja vuodoskåvllååhpadussaj, ja fallat divna familjajda sáme mánájgárddesajev.
- Lága baktu mierredit bidumsámegielav almulasj giellan Vuona rijkan, ja åvddånahttet bidumsáme giellaåhpadusábnnasijt ja ienebut tjalmostit almulattjat duola dagu galbbima baktu.
- vaj e uljov åhtsågoade Lufåhtan, Viesterálen ja Sážžan. Vuosteldip areálla rievddadimijda gátten, tjátjen ja meran mij bæjsstá árbbedábálasj tjoahkkimav, biebbmolasádusáv ja æládusájt. Bærrájgæhttjat vaj Sámeriektá II doajmmáj boahtá.
- Nanos sáme vuodoæládusá, ma bisodi guohtomdáfojt slihturijda ja ællosujttuj, ja hieredit vaj e urudisájda bårru. Doarjjot álggoruhtajuollodimev guollimvantsajda ja nannit ásadim- ja ruhtajuollodimijt ednambargguj.
Bessi jienastit mánnodaga ragátmáno 8. biejve
- Ánda / Andøy
- Bådåddjo / Buvvda / Bodø
- Evenášši / Evenes
- Fuossko / Fuassko / Fauske
- Rivtták / Gratangen
- Ulpi / Hadsel
- Hábmer / Hamarøy
- Hárstták / Harstad
- Giehtavuotna / Kvæfjord
- Loabák / Lavangen
- Lodek / Lodegak / Lådik / Lødingen
- Áhkánjárga / Narvik
- Dielddanuorri / Tjeldsund
- Siellak / Salangen
- Sálatvuobme / Sálatvuopmi / Saltdal
- Suortá / Sortland
- Vestvågøy
- Váhki / Vuogát / Vågan
Hæhttu árabut jienastit
- Bájddár / Bájjdár / Beiarn
- Bievák / Bø
- Divrrát / Dyrøy
- Flakstad
- Oarjelij Bájjdár / Gildeskål
- Ivvárstádik / Ibestad
- Mällesuolo/ Meløy
- Moskenes
- Gádderuosta / Røst
- Stájggo / Steigen
- Oarjje-Fuolldá / Sørfold
- Værøy
- Ikšnášši / Øksnes
Jus válggabiejve illa suohkanin gånnå la álmmukregistrieriduvvam.
Bessi árabut jienastit bårggemáno 11. biejves gitta ragátmáno 5. bæjvváj.