Ollu lihkku, Keviselie!

John Savio-bálkkašupmi geigejuvvo Romssa Dáiddasiiddas lávvordaga čakčamánu 18. b. dii. 13.00.

Dan maŋŋel sámediggepresideanta  Aili Keskitalo rahpá vuosttaš dáiddačájáhusa, mii čájeha Elle Hánssa olles dáiddalaš bálgá, «ČSV terra cognita».

Loga čájáhusa birra dás

Romssa Sámi Searvi lei daid gaskkas geat evttohedje Elle Hánssa dán bálkkašupmái, ja searvvi bealis cealká jođiheaddji Hilde Pedersen stuorra lihkkosávaldaga bálkkašumi geigema oktavuođas.

–Min mielas Elle Hánsa duođai ánssáša dohkkehusa maid John Savio-bálkkašupmi buktá. Dáiddárin son lea álo áigeguovdil ja aktiivvalaš, ja son lea máŋggalot jagi leamaš, ja lea ain resursa sámi birrasis.

LIHKKOSÁVALDAGAT: Romssa Sámi Searvvi stivra buvttii lihkkosávaldagaid ja liđiid Elle Hánsii, maŋŋel go almmuhuvvui ahte son oažžu John Savio-bálkkašumi 2021. Gurut ravddas: Jođiheaddji Hilde Pedersen, Elle Hánsa ja stivralahttu Lene Antonsen.

John Savio-bálkkašupmi addojuvvo dáiddárii geas lea sámi duogáš ja identitehta, ja gii lea mearkkašan erenoamáš olu Norgga visuálalaš dáiddasuorggis, juogo ođđa áiggis dahje su ollislaš dáiddalaš buvttademiin.

Jury vuođusta válljema ee. dán láhkai:

Sihke govvadáiddárin ja čállin  Mathisen lea gaskkustan sámi kultuvrra, luonddu ja identitehta. Sutnje lea leamaš dehálaš vuoigatmeahttunvuohta maid Norgga stáhta lea dahkan sámi álbmogii kolonialisma ja dáruiduhttima bokte. Maiddái riikkaidgaskasaččat son lea leamaš šaldehuksejeaddji, ja mii háliidit erenoamážit čujuhit su stuorra kartografiijaprošeavttaide. 70-logus juo son gállii luotta, son šattai ofelažžan gii bijai Sámi kártii. Su kárttat main leat sámi báikenamat, govat, symbolat ja hearvvat, leat leamaš dehálaš identitehtadovdomearkkat sámi guovddášguovlluid olggobealde.