Sámi Oahppolihttu lea Stuorradikkis dohkkehuvvon oahppolihttu mas Rávisolbmooahpahuslága 1979 ja 2009 bokte lea vuoigatvuohta stáhtadoarjagii. SOL váldoulbmil lea čađahit diehtojuohkin- ja oahpahusdoaimmaid sámiide. Sámi Oahppolihttu galgá maid juohkit almmolašvuhtii máhtu sámiid ja sámiid diliid birra.
SOL doaimmaha rávisolbmooahpahusa kurssaid bokte ja dás beasat diehtit mo bijat johtui SOL-kurssa. Norgga Sámiid Riikkasearvi lea SOL'a áidna miellahttosearvi ja de sáhttá dadjat ahte SOL lea NSR'a oahppolihttu. NSR riikkačoahkkin lea SOL'a bajimuš mearrideaddji ja das válljejuvvo SOL'a stivra ja vel mearriduvvojit doaibmaplánat ja bušeahttat. Beaivválaš oahpahusdoaimma fuolaha SOL'a čállingoddi.
Sol-kurs på 1-2-3