NSR ohcá organisašuvdnačálli

Mii ohcat áŋgiris organisašuvdnačálli guhte sáhttá iesheanalaččat bargat, ja guhte háliida searvat min nuoraiddoaimma nannemis. Oassin NSR čállingottis leat don mielde hábmeme historjjálaččat dehálaš ja guovdilis beroštusorganisašuvnna barggu.

NSR Nuorat, Norgga Sámiid Riikkasearvvi nuoraidlávdegoddi, leat dál miellagiddevaš ođđaorganiserenproseassas gos áigut hábmet min nuoraidorganisašuvnna boahtteáiggi.

NSR-N stivrras leat 10 ealljáris miellahttu; jođiheaddji, nubbinjođiheaddji ja 8 stivralahttu. Oassin min nuoraiddoaimma ovdaneapmái ohcat dál áŋgiris ja viššalis čálli 25% virgái. 

Mii fállat barggu historjjálaččat dehálaš ja guovdilis beroštusorganisašuvnnas.

Organisašuvnna birra:

NSR-N jođiha NSR nuoraiddoaimma ja ovddastit nuoraidlahtuid NSR:as. Mii bargat dan várás ahte álggahit ja doalahit oktavuođa sámi nuoraiguin iešguđet guovlluin, vuoi sámi nuoraid beroštupmi, searvan ja váikkuheapmi sámi servvodahkii ja politihkkii nannejuvvo.

Virggi birra:

Čállis lea dehálaš rolladoaibma min ođđaorganiserenproseassas ja boahtá ollu ovttasbargat sihke jođiheaddjin ja lávdegoddestivrrain. Dáid bargguide gullá gulahallanovddasvástádus ja čoahkkinkoordineren. Virgádeamis deattuhuvvo beroštupmi organisašuvdnabargui, sámi servodatdilálašvuođaide, geabbilisvuohta ja čállinčehppodat.

Barggut:

Organisašuvdnačállin du váldoovddasvástádus lea veahkehit NSR-N čoahkkimiid vuolde ja daid gaskkas, ja čađahit mearrádusaid maid NSR-N lea dahkan. Eará barggut mat gullet virgái leat earret eará:

• Veahkehit NSR-N čoahkkimiid vuolde ja gaskkas, plánet čoahkkimiid, referáhtačállin, ja čáđahit mearrádusaid maid NSR-N lea dahkan. 
• Gulahallan- ja čállinovddasvástádus.
• Eará čállibálvalusat ja hálddahuslaš barggut, ja ovttasbargu mielbargiidguin čállingottis.
• Veahkehit nuoraidlávdegotti prošeavttaid jođiheami, plánema ja čađaheami.
• Buvttadit ja álmmuhit sisdoalu sosiála mediaide ja neahttasiidui, ja veahkehit jorgalemiin jos vejolaš.

Dákkár persovnnalaš iešvuođat deattuhuvvojit:

• Buorit gulahallan- ja gaskkustanattáldagat, sihke čálalaččat ja njálmmálaččat.
• Beroštupmi organisašuvnna ulbmilii ja sámi nuoraidáššiide, ja muđui beroštupmi organisašudvnabargguide.
• IKT ja SoMe čehpodat
• Gealbu prošeaktabargguin ja/dahje ekonomiijahálddašeapmi 
• Davvi-, Julev-, Ubmi-, Nuortalaš- ja/dahje Bihtánsámegielat čálálaš ja njálmmálaš máhttu.
• Dáidu bargat iešheanalaččat ja ovttasbargodáiddut.

Lea sávahahtti ahte álgá bargui jođáneamos lági mielde. Ferte čájehit politiijaduođaštusa ovdal vejolaš virgádeami.

Leatgo gearggus oassálastit min ođđaorganiserenprosessii, ja searvat sámi nuoraiddoaimma nannemii? Sádde ohcamuša!

Bálká šiehtaduvvo. Kántursadji fállo NSR čállingottis Guovdageainnus, mii árvvoštallat ruovttukantuvravejolašvuođaid maid. Mátkedoaibma ferte rehkenastojuvvot.

Jus leat gažaldagat dahje háliidat eanet dieđuid, váldde oktavuođa:

• NSR Nuorat jođiheddjiin, Elle Nystad, e-boastta bokte elle@nsr.no
• NSR čállingoddejođiheddjiin Stian Aleksandersen e-boastta bokte stian@nsr.no 

Ohcanáigemearri
Ohcamuš oktan CV:in ferte ollen NSR:ii ovdal duorastaga miessemánu 30. b. 2024. Ohcamuš sáddejuvvo elektrovnnalaččat e-bostii: nsr@nsr.no, bija nsr-u@nsr.no kopiijan, dahje boastta mielde NSR:ii: Bb. 173, 9521 Guovdageaidnu.