Jis sïjhth saemiedigkieveeljemisnie tjaktjese steammadidh tjoerh registreradamme Saemiedigkien veeljemelåhkosne årrodh! Sïjsebïeljelimmien mierie lea ruffien 30. biejjien.
Veeljemelåhkoe – bïeljelh sïjse åvtelen ruffien 30. biejjien
Kategori
NSRDato
29.05.2021
NSR
Veeljemelåhkoe – bïeljelh sïjse åvtelen ruffien 30. biejjien
Sïjsebïeljelimmien mierie lea ruffien 30. biejjien. Daelie tjoerh skjeemam sïjse seedtedh, jïh vuartesjh mejtie gaajhkh dov fuelhkesne lea registreradamme.
Gie maahta sïjse bïeljelidh?
- Saemieh mah bijjelen 18 jaepieh jallh 18 jaepieh illieh veeljemejaepien
- Gaajhkesh mah bæjhkoehtieh dah jïjtjemse utnieh goh saemie jïh saemien hïejmegïeline utnieh, jallh utnieh eejhtegem, aahka aajjam jallh maadteraahka maadteraajjam saemiengïeline goh hïejmegïele
- Leah maana aktede almetjistie mij almetjelåhkosne tjåådtje jallh tjåådtjeme
Guktie sïjse bïeljele?
Nov gujht aelhkie sïjse bïeljelidh Saemiedigkien nedtesæjroen baaktoe, tjoerh tjaangedh ID-portaaline/MinID.
- Dïedtelh tjaangh sïjse
- Vuartesjh guktie tjaangedh ID-portaalese
- Jiehtieh jaavoe sïlline 1 jïh 2
Gåarede aaj sïjse bïeljelidh båeriesvuekine jjïh paehpereskjeemam seedtedh. Maahtah skjeemam gaavnedh Saemiedigkien nedtesæjrosne. Paehpereskjeema aaj gååvnese Saemiedigkien kontovrine.
Man åvteste byörh registreradidh?
Datne byörh sïjse bïeljelidh jis sæjhta akte Saemiedigkie mij:
- Vuajna saemien gellievoete mijjen faamoe, jïh edtja feerhmeles årrodh
- Tjirkije saemiej reaktaj åvteste barkedh
- Saemiej gaavhtan stoerreseabradahkesne gymhpe, jïh vuestiebïegkesne tjåådtje
- Saemien gïele- jïh kultuvrefaalenassh prijoriterede gusnie saemieh årroeminie, jïh darjodh guktie attraktijve sjædta saemien voenide juhtedh
Jis daate vaajtelh byörh sïjse bïeljelidh guktie NSRm steammadidh.
Daate veeljeme otnjege Saemiedigkesne, jïh vuastalimmiem åadtjobe muvhtijste mah sijhtieh jïjnjem orrijehtedh mah joe Saepmesne tseegkeme.
Datnem daarpesjibie!
Viehkehth mijjem rekruteeredh!
Jalhts joe veeljemelåhkosne årroeh, maahtah gihtjedh mejtie dah dov fuelhkesne jïh voelph meatan. Daamtaj noerh eah veeljemelåhkose registreradamme, juktie eah daejrieh dah tjuerieh sïjse bïeljelidh, jallh juktie eah dan bïjre ussjedamme. Gihtjh gaajhkh datne damth mah 18 jaepien båeries sjïdteme minngemes veeljemistie jallh dam sjidtieh daan jaepien!
Seedth bïevnesem almetjidie mah maahtah rekruteeredh!
Mujhtieh mieriem ruffien 30.b. jïh steammedh NSRm!
Buerie biejjie!
Daan tjaktjen dov voestes aejkien stoerredigkie- jïh saemiedigkienveeljemisnie steammadidh. Dan åvteste gihtjem mejtie datne saemiedigkien veeljemelåhkosne registreradamme? Jis daam darjoeh ih daarpesjh steammadidh, menh dov nuepiem åadtjoeh daam darjodh. Ij naan automatihke sïjsebïeljelimmie veeljemelåhkose gosse 18 jaepien båeries sjïdth/sjïdteme (numhtie stoerredigkieveeljemisnie). Datne tjoerh jïjtjemdh sïjse tjaeledh åvtelen ruffien 30.biejjien 2021 jis edtjh nuepiem utnedh steammadidh daan jaepien saemiedigkieveeljemisnie. Nov gujht aelhkie dam darjodh! Linkem nedtesæjrose sïjsebïeljelimmie-skjeemine bïejem.