Jåvleheelsegh NSR:ste

Lahkoe jåvlh jïh buerie orre jaepie gaajhkesidie!

Kategori
NSR
Forfatter
NSR
Dato
24.12.2021
NSR

Jåvleheelsegh NSR:ste

Gieries NSR-lïhtsegh,

Jïjnje sjugniehtovveme saemien seabradahkesne jïh maam mijjieh buektiehtamme jaepien 2021. NSR:n maadthgierkieh, mijjen saemiesiebrieh, leah hijvenlaakan barkeme ovmessie kuvsjh öörnedh, vuesiehtimmien gaavhtan duedtiekuvsjh jïh gïelekuvsjh, mah leah meatan saemien identiteetem jïh kultuvrem jieliehtidh jïh eevtjedh mijjen lïhtsegi gaskem.

Datne goh lïhtsege mijjen saemiesiebrine leah vihkele mijjese NSR:sne. Datnine ektine edtjebe njueniehkisnie årrodh saemien ïedtji åvteste barkedh, jïh saemien reaktaj åvteste gæmhpodh.

Gæjhtoe voenges siebride dan hijven barkoen åvteste maam darjoejidh veeljemegæmhposne!

Tjaktjegiesien jïh tjaktjen libie veeljemegæmhpoem tjïrrehtamme. Jïh daan jaepien saemiedigkieveeljemem vitnimh. Gæjhtoe voenges siebride dan hijven barkoen åvteste maam darjoejidh veeljemegæmhposne! Mijjieh dan joekoen garmere 17 mijjen politihkeles tjirkijijstie tjirkijinie veeljesovvin Saemiedægkan juktie mijjen politihkem eevtjedh. Gaskemedtien jienebh goh 2 tjirkijh fïerhtede veeljemegievleste!

Jïh Silje Karine Muotka Alta Sámi Searviste, mij lij mijjen presideentekandidaate, goh dijjieh daejrede presideentine veeljesovvi, daelie njueniehkisnie saemien reaktaj åvteste barkeminie.

Mijjieh jienebelåhkoem darjoejim Gaskoehkrirrine jïh Ávjovári johttisámiid listune ektine, mij nommem Biejjienaalkoe/Beaiveálgu åadtjoeji. Nommem veedtjeme dehtie voestes saemiengïeleldh romaaneste maam Anders Larsen bæjhkoehti 1912.

NSR:n åvtehke Runar Myrnes Balto mij lea NSR:n åvtehke orreme 2018 raejeste veelji åvtehkinie orrijidh daan tjaktjen mænngan raerielïhtseginie veeljesovvi. Sïjhtebe dam gijhtedh dan stöörege, jearsoe jïh hijven stuvremen åvteste NSR:ste gellie jaepieh.

Daelie stoerre aamhtesh mijjen uvte, akte dejstie lea Fovsene-aamhtese, gusnie bïegkeindustrijen konsesjovne lij luhpehts, jïh mijjieh ibie annje orrijh daan jïh jeatjah skilkehtasseaamhtesi åvteste barkedh.

Ibie daarpesjh gïetigujmie låammaj sisnie tjahkasjidh gosse tjarkelaakan barkebe mijjen båetijem aejkiem nænnoestidh.

Barkoe ij gåessie gih nåhkh dïsse mij vaajtoes, jeahtasåvva. Naemhtie aaj mijjese NSR:sne. Ibie daarpesjh gïetigujmie låammaj sisnie tjahkasjidh gosse tjarkelaakan barkebe mijjen båetijem aejkiem nænnoestidh.

Båetijen jaepien jïjnje heannede. Rïjhketjåanghkoe lea vihkeles heannadimmie mijjese, jïh mijjieh aavoedibie NSR goh organisasjovne edtja jåerhkedh soptsestalledh båetijen aejkien politihken jïh evtiedimmien bïjre saemien seabradahkeste. Gaajhkesh daerpies daennie barkosne, dovne lïhtsegh jïh gaajhkh jeatjah viehkieh!

Sïjhtebe abpe siebriem daan jaepien åvteste gijhtedh, jïh gegkiestibie dijjieh åadtjode hijvenlaakan lïegkedidh dan båetije barkoen åvtelen mubpien jaepien.

Lahkoe jåvlh jïh buerie orre jaepie gaajhkesidie!

 

Dearvuođaiguin/varrudagá/Jïjnjh heelsegh/Hilsen

Vidar Andersen
jođiheaddji/jådediddje/åvtehke/leder

Saia Stueng
1. nubbinjođiheaddji/1. nuppejådediddje/1.mubpie åvtehke/1. nestleder

Sárá Márjá Magga
BB-miellahttu/ BN-sebrulasj/ BM-lïhtsege/ AU-medle