Juovladearvvuđat NSRas

Ráhkis NSR-miellahtut!

Lea ollu mii lea dáhpáhuvvan sámi servodagas ja maid mii leat olahan jagis 2021. Min NSR geađgejuolggit, min sámiid searvvit, leat bargan áŋgirit lágidit iešguđetlágan kurssaid, ovdamearkka dihtii duodjekurssaid, giellakurssaid ja eará kurssaid mat ealáskahttet ja nannejit min miellahtuid sámi identitehta.

Don gii leat miellahttun min sámiid searvvis leat dehalaš midjiide NSRii. Du searáiguin de galgát mii leat njunnožis bargat ja bealušteames sámi beroštumiid ja rahččat sámi vuoigatvuođaid ovddas.

Mii leat giitevaččat min baikkalaš servviide áŋgiris ja buori barggus válgagiččus.

Mannán čakcageasi ja čávčča čađaheimmet válgagižžu. Dán jagi vuittiimet ge mii, Norgga Sámiid Riikasearvi, Sámediggeválggaid. Mii leat giitevaččat min baikkalaš servviide áŋgiris ja buori barggus válgagiččus. Mii leat duođai rámis go 17 min politihkalaš ovddasteaddjit besse áirrasin Sámediggái ovddidit min politihka. Dat mearkkaša ahte leat gaskamearalaččat eambbo go guokte áirása juohke válgabiires!

Silje Karine Muotka Álttá Sámiid searvvis, presideantaevttohasamet, válljejuvvui ge, nu go diehtibehtet, presideantan, ja lea dál sámepolitihka njunnošis rahčamin min sámi vuoigatvuođaid ovddas. Mii ceggimet eanetlogu ovttas Guovddašbellogadain ja Ávjovári Johttisápmelaččaid listuin, mas lea namma Beaiveálgu. Dán nama leat viežžan vuosttaš sámegielat románas man Anders Larsen almmuhii jagis 1912.

Runar Myrnes Balto gii leamaš NSRa jođiheaddjin 2018 rájes, geassádii mannán čavčča jođiheaddjin maŋŋel go nammaduvvui ráđđemiellahttun Sámediggái. Mii háliidat giitit su mánggaid jagiid nanu, áŋgiris ja buori jođiheami ovddas NSRa jođiheaddjin.

Mis leat stuorra áigeguovdilis áššit, okta lea Fovsen-ášši gos bieggaindustriija konsešuvdna mearrádus ii doala, ja mii eat vuollán dáinna ja eara áššiguin sisabahkkenáššiin.

Eat mii dárbbaš čohkkát lupmalas gieđaid go mii viššalit ja áŋgirit galgat nanusmahttit iežamet boahtte áiggi!

Barggut eai noga bargganis olbmos, lávejit lohkát. Nu lea ge mis maid NSRas. Eat mii dárbbaš čohkkát lupmalas gieđaid go mii viššalit ja áŋgirit galgat nanusmahttit iežamet boahtte áiggi!

Boahtte jagi barggut ja dáhpáhusat vurdet min. Riikkačoahkkin lea okta dain dehálaččamus dáhpáhusain masa mii illudit. NSR lihttun galgá viidáset ságastallat boahtteáiggi politihka ja sámi servvodaga ovdáneami – dasa dárbbašat mii buot miellahttuid áŋgirvuođa ja muđui buohkaid eará čeahpes ja áŋgiris vehkiid veahkkin!

Mii háliidat olles organisašuvnna giitit dán jagi barggu ovddas, ja mii sávvat buohkat besset čohkket fámuid.

Buorit juovllat ja buorre ođđa jahki buohkaide! 

Dearvuođaiguin/varrudagá/Jïjnjh heelsegh/Hilsen

Vidar Andersen
jođiheaddji/jådediddje/åvtehke/leder

Saia Stueng
1. nubbinjođiheaddji/1. nuppejådediddje/1.mubpie åvtehke/1. nestleder

Sárá Márjá Magga
BB-miellahttu/ BN-sebrulasj/ BM-lïhtsege/ AU-medle