Viestarmera válggabijra

NSR:a Viestarmera válggabijran ájggu:

Vuojnnusij buktet sáme histåvråv ja kultuvrav ålles válggabijran, sierraláhkáj guovlujn gånnå sáme årudahka ij la bárep oahpes. Barggat årrudahttema åvdås sáme bájkijn ja nuorajfálaldagáj ásadime åvdås.
Nannit sámegielaåhpadusáv mánájgárdijn, vuodoåhpadusán ja alep åhpadusán. Åvddånahttet sáme profijllaskåvlåjt ja sihkarasstet rekruttierimav skåvlåjda ja mánájgárdijda – duola dagu sámástiddjij baktu.
Gåhttjot stádasuohkanijt Bådåddjo/Bodø, Hárstták/Harstad, Áhkánjárga/Narvik ja Suortták/Sortland sáme giellaguovlluj .
Nannit sáme vuodoæládusájt, sihkarasstet guohtomav ednambargguj ja boatsojæládussaj ja duodden hieredit massemav urudisájda. Rudálattjat doarjjot vuostasj oasstemav guollimvantsajs ja nannit ásadim- ja investerimdoarjjagav ednambargguj.
Sihkarasstet/nannit sáme institusjåvnåjt válggabijran. Duola dagu Várdobáiki, Árran, Nuoraj-tv, Duoddara ráfe, Márkomeannu, Bárru Viestterállen ja Lufuohtan. Stormen Sáme guovdásj ja Ástávuona giellagoahtie.
Aktijsattjat barggat suohkanij, Sáme Klinihkajn, Varres Nuorttajn nannitjit ja ásadittjat sáme varresvuodafálaldagájt.
Dahkat sáme álmmukávvudallamav ja kultuvrravahkov Bådåddjo 2024:n – euråvpålasj kultuvrraoajvvestáda.
Ásadit ja nannit sáme mannoæládusvidnudagájt álggemdoarjjagijn ja máhtudaklåpptimijn, duodden árvustallat sáme æládusgoade ásadimev válggabijran.
Aktijsattjat barggat suohkanij bihtámsámegiela æládahttemijn ja sámegiela galbbima åvdås barggat.
Nannit ja ásadit ienep sáme æjvvalimbájkijt válggabijran, aj arienájt duodjáj ja æjvvalimsajijt nuorajda ja stádajn.
Barggat jasska ja buore sáme bájkálasj sebrudagáj åvdås. Tjuovvolit Duohtavuoda ja såbadimkommisjåvnå rappårtåv. Barggat buohttimårdnijga åvdås daj ássjij gånnå oajválattja ælla suoddjim vahágahttemis ja råhtsatijmes.
Biehttet bieggaindustrijjav guohtomednamijn ja sáme guovlojn. Nannit sáme riektáv ednamijda ja tjáhtjáj Sámeriektánammadusá 2 tjuovvolime baktu.

Hæhttuji árabut jienastit

Jienastiddje gudi årru suohkanij gånnå binnep gå 30 jienastuslågon e máhte jienastit válggabiejve. Da hæhttuji árabut jienastit maŋemusát bierjjedagá ragátmáno 10.biejve.

Ánda / Andøy
Bájjdár / Bájddár / Beiarn
Bievák / Bø
Divrrát / Dyrøy
Flakstad
Oarjelij Bájjdár / Gildeskål
Ivvárstádik / Ibestad
Lodegak / Lodek / Lådik / Lødingen
Meløy
Moskenes
Røst
Stájggo / Steigen
Oarjje-Fuolldá
Værøy
Vuogát / Váhki / Vågan
Ikšnášši / Øksnes

Sii geat eai leat ruovttugielddas válgabeaivvi.

Máhtti jienastit ragátmáno 13.biejve.

Buvvda / Bådåddjo / Bodø
Evenášši / Evenes
Fuassko / Fuossko / Fauske
Rivtták / Gratangen
Ulpi / Hadsel
Hábmer / Hamarøy
Hárssták / Harstad
Giehtavuotna / Kvæfjord
Loabák / Lavangen
Áhkánjárga / Narvik
Dielddanuorri / Tjeldsund
Siellak / Salangen
Sálatvuobme / Saltdal
Suortá / Sortland
Vestvågøy