Viesttarmeara válgabiire

NSR áigu Viesttarmeara válgabires bargat:

Oidnosii loktet sámi historjjá ja kultuvrra olles válgabiirres, earenoamážit guovlluin gos sámi ássan ii leat nu oahpis. Bargat ásaiduvvama sámi giliide, ja nuoraidfálaldagaid ovddas.
Nannet sámegieloahpahusa mánáidgárddiin, vuođđooahpahusas ja alit oahpus. Ovddidit sámi profiilaskuvllaid ja sihkkarastit rekruterema skuvllaide ja mánáidgárddiide – ovdamearkka dihtii sámásteddjiid bokte.
Gohččut gávpogasuohkaniid Bådåddjo, Hárstták, Áhkkánjárgga ja Suortták sámi giellaguvlui.
Nannet sámi vuođđoealáhusaid, sihkkarastit guohtuma eanadollui ja boazodollui ja eastadit boraspirevahágiid. Ruđalaččat doarjut vuosttas bivdofatnasa oastima ja nannet álggahan- ja investerendoarjagiid eanadollui.
Sihkkarastit/nannet sámi institušuvnnaid válgabiirres. Nu mo Várdobáikki, Árrana, Nuoraid-TV, Duoddara ráfe, Márkomeanu, Bárru Viestterállen ja Lufuohtan. Stormen Sámi guovddáš ja Ástávuona giellagoađi.
Ovttasbargat suohkaniiguin, Sámi Klinihkain ja Davvi Dearvvašvuođain ovdánahttit ja ásahit sámi dearvvasvuođafálaldagaid.
Lágidit sámi álbmotriemuid ja kulturvahku Bådåddjo 2024:s – eurohpalaš kulturoaivegávpot.
Ásahit ja nannet sámi mátkeealáhusfitnodagaid álggahandoarjagiid ja gelbbolašvuođaloktema bokte, ja árvvoštallat sámi ealáhusgođiid ásaheami válgabiirres.
Ovttasbargat suohkaniiguin bihtánsámegiela ealáskahttimiin ja bargat eanet sámegielat galbema ovddas.
Ásahit ja nannet eanet sámi gávnnadanbáikkiid válgabiirres, ja dainna maid arenaid duodjái, ja gávnnadanbáikkiid nuoraide ja gávpogiin.
Bargat dorvvolaš ja buriid sámi báikkálaš servodagaid ovddas. Sihkkarastit Duohtavuođa- ja seanadankommišuvnna raporta čuovvuluvvo. Bargat buhtadusortnegiid ovddas dain áššiin main eiseválddit eai leat suddjen veahkaválddálašvuođas.
Eat dáhto bieggaindustriija guohtoneatnamiin sámi guovlluin. Nannet sámi rivttiid eatnamiidda ja čáziide SRU2 čuovvuleami bokte.

Ferte ovddalgihtii jieanastit

Ánda / Andøy
Bájjdár / Bájddár / Beiarn
Bievák / Bø
Divrrát / Dyrøy
Flakstad
Oarjelij Bájjdár / Gildeskål
Ivvárstádik / Ibestad
Lodegak / Lodek / Lådik / Lødingen
Meløy
Moskenes
Røst
Stájggo / Steigen
Oarjje-Fuolldá
Værøy
Vuogát / Váhki / Vågan
Ikšnášši / Øksnes

Sii geat eai leat ruovttugielddas válgabeaivvi.

Kan stemme 13. september

Buvvda / Bådåddjo / Bodø
Evenášši / Evenes
Fuassko / Fuossko / Fauske
Rivtták / Gratangen
Ulpi / Hadsel
Hábmer / Hamarøy
Hárssták / Harstad
Giehtavuotna / Kvæfjord
Loabák / Lavangen
Áhkánjárga / Narvik
Dielddanuorri / Tjeldsund
Siellak / Salangen
Sálatvuobme / Saltdal
Suortá / Sortland
Vestvågøy