Ávjovárri válgabiire

• Válgamagasiidna (leaŋka boahtá)
• Dušše sii geat eai leat ruovttus válgabeaivvi fertejit ovddalgihtii jienastit (gaskkal borgemánu 11. beaivvi ja čakčamánu 5. beaivvi)
• Geahča min evttohasaid Ávjovári válgabiires dás

NSR Ávjovári válgabires háliida bargat dáid áššiid ovddas:

• Nannet Ávjovári saji Sámedikkis ja Sámedikki válddi ja rájátrasttildeaddji ovttasbarggu
• Vuoruhit ealáhusaid ja bargosajiid main lea vuođđu sámegielas, kultuvrras ja árvvuin ja sihkkarastit buriid rámmaeavttuid ja ovdánahttinvejolašvuođaid vuođđoealáhusaide
• Nannet sámi kulturásahusaid, museaid, lágádusaid, ja deaivvadanbáikkiid Ávjováris, ásahit dokumentašuvdnaguovddáža ja sámi dáiddárresideanssa Mázii ja ođđa vistti sámi dáiddamuseai Kárášjohkii
• Bissehit Muolkkuid elektrifiserema ja sisabahkkemiid Finnmárkkus bealuštandihti sámiid vuoigatvuođaid, ja dálkkádatpolitihka mii sihkkarastet sámi kultuvrra ja eamiálbmotmáhtu
• Sámiid vuoigatvuođat eatnamiidda, čáziide ja luondduriggodagaide galget dohkkehuvvot. Dákko bokte nannet siiddavuogádaga ja heivehit njuolggadusaid boazodoalu dárbbuide, dáloniid vuoigatvuođai meahcásteapmái ja nannet unnimus fatnasiid, ja sihkkarastit sámiid kollektiivvalaš guolástanvuoigatvuođat dohkkehuvvojit
• ovdánahttit báikkálaš biebmobuvttadeami ja resursaávkkástallama ja doarjut fágaskuvlla ásaheami báikkálaš biebmobuvttadeamis ja sámi ealáhusain
• Nannet sámi giellaguovddážiid ja sihkkarastit buriid kultur- ja valáštallanfálaldagaid mánáide ja nuoraide
• Sihkkarastit Sámi Klinihkka ekonomalaš iešmearrideami, nannet psyhkalaš dearvvašvuođabálvalusaid, ja fuolahit sámi boarrásiidda ovttaárvosaš fálaldagaid ja bálvalusaid mat leat heivehuvvon sámegillii ja kultuvri.
• Eastadit veahkaváldima ja illasteami, nannet stáhta mánáidviesu Kárášjogas ja ásahit heahtediliguovddáža Ávjováris
• Rekrutteret sámi mánáidgárddibargiid ja oahpaheaddjiid, ja bargat buriid bálká- ja bargoeavttuid ovddas. Sihkkarastit alla dási sámegieloahpahusas ja oahppaneavvuin, ja nannet sámi mánáid ja nuoraid oahppo- ja fuolahusvuoigatvuođaid, ja sihkkarastit Sámi Allaskuvlla ovdánanvejolašvuođaid
• buriid ortnegiid rávisolbmuide geat ohppet sámegiela ja buori rávesolbmuidoahpahusa ja vejolašvuođaid joatkka- ja lasseohppui
• Báikkálaš hálddašeami mohtorjohtolagas mii váldá vuhtii luonddu ja sámi resursageavaheami, suodjalit sámi vuoigatvuođaguddiid, ealáhusaid ja eatnamiid areálaáššiin ja plánaproseassain ja doarjut opmodat- ja hálddašanriekteproseassaid Ávjováris
• Hukset luohttevašvuođa ja verddevuođa, ja gozihit ahte eiseválddit čuovvulit duohtavuođa- ja soabahankommišuvnna raporta