NSR ii vuollán Muolkkuid-áššiin

Dán vahkku čielggai ahte Sámediggi guoddala Muolkkuid-duomu lágamánneriektái.

Suoidnemánus bođii Oslo diggegotti duopmu mii ii dorjon Sámedikki oainnu. Muhto gižžu ii leat nohkan ja NSR guoddala ášši. 

Mas lea sáhka?

Dás lea sáhka Finnmárkku, Davvi-Norgga ja Sámi boahtteáiggis. Muolkkuid elektrifiseren mielddisbuvttášii issoras luonddubilidemiide Finnmárkkus ja Davvi-Norggas, go dat nu gohčoduvvon “fápmolokten” galgá čađahuvvot. Dát bilidivččii sámi kultuvrra luondduvuođu – ja sihke luomejeakkit, guohtuneatnamat ja meahcit jávkkašedje. Dát lea menddo stuorra ášši davviguovllu álbmogii ahte sáhttit diktit orrut. 

Maid mearkkaša elektrifiseren elrávdnjehattiide?

Elrávdnji divrrošii jus Muolkkuid elektrifisere. Ráđđehus čuoččuha ahte ođđa bieggafápmu eastada dán, muhto hattiid gal stivrre fápmomárkan, ja politihkkárat eai sáhte dákkáriid dáhkidit – erenoamážit go buot einnostusat dadjet ahte rávdnjii divrrošii. 

Rusttegat maid ráđđehus áigu elektrifiseret, ja olbmot davvin háliidit bissehit.

Leago dás sáhka dušše boazodoalus?

Ii, dás lea sáhka min buohkain ja min boahtteáiggis davvin. Mii háliidit bisuhit du luomejekkiid, bivdoguovlluid, johtolagaid ja mehciid. Jo, dát guovllut leat dehálaččat maiddái boazodollui, muhto leat seammá dehálačča midjiide buohkaide. Dán áššis lea buohkaide geat ásset davvin seammá stuorra beroštupmi bissehit dákkár bilidemiid.

Gii vel háliideš skirvehallat bieggaturbiinnaid gaskkas mat jieŋaid fađđot go vulget jávrebivdui giđđabeaivvážis? Eat guittot mii!

Leago dás sáhka dušše boazodoalus?

Ii, dás lea sáhka min buohkain ja min boahtteáiggis davvin. Mii háliidit bisuhit du luomejekkiid, bivdoguovlluid, johtolagaid ja mehciid. Jo, dát guovllut leat dehálaččat maiddái boazodollui, muhto leat seammá dehálačča midjiide buohkaide. Dán áššis lea buohkaide geat ásset davvin seammá stuorra beroštupmi bissehit dákkár bilidemiid. Gii vel háliideš skirvehallat bieggaturbiinnaid gaskkas mat jieŋaid fađđot go vulget jávrebivdui giđđabeaivvážis? Eat guittot mii!

Luondu lea Davvi-Norgga árdnagiisá, iige leat báiki gos industriija galgá beassat billistit. 

Naba dálkkádat?

Duohtavuohta lea ahte Muolkkuid-elektrifiseren ii unnit dálkkádatgássaid luoitima. Dát luoitimat sihkkojuvvojit baicca Norgga dálkkádatrehketdoalus ja sirdojuvvojit eará riikkaide. Elektrifiseren gal lea dieđus hui buorre Equinorii, go de eai dárbbaš oastit seammá olu dálkkádateriid, muhto dán doaimmas ii leat makkárge ávki dálkkádatrievdadusaid bisseheapmái. 

Luonddugáhtten lea baicca dehálaš dálkkádatrievdademiid bisseheapmái. Go luondu, ja erenoamážit vuovddit ja jeaggeeatnamat čatnet karbona lunddolaččat. Luondduvalljivuohta lea vuođđun dálkkádaga dássedeapmái, čázi ja áimmu buhtisteapmái, ja dat fállá biepmu ja valljivuođa mii lea vuođđun min birgejupmái. Luonddubilideamit nannejit dušše dálkkádatrievdama. 

Iigo diggeášši leat hui divrras?

Jo, dat máksá, muhto dat lea menddo dehálaš ášši ahte guođđit geahččalkeahttá. Muolkkuid elektrifiseren ja “fápmolokten” váikkuha sihke sámi riekteguddiid ja min buohkaid boahtteáigái davvin. Danne lea veara dán golu váldit. Molssaeaktu lea diktit iežamet dulbmojuvvot ja bidjat eaŋkilolbmuid oktonasvuođas várjalit iežaset eallimiid. NSR lea áidna dáhkádus ahte Muolkkuid-ášši ain joatkašuvvá dikkis. 

Mii eat árbit luonddu máttuin, mii luoikkahit dan iežamet mánáidmánáin.

Makkár molssaeavttut leat? 

Molssaeaktu lea váldit davvi-Norgga álbmoga duođas, ja bissehit elektrifiserema. Molssaeaktu lea vára váldit riggodagain mat leat dáppe, ja ávkkástallat daiguin, nu ahte min maŋisboahttit ge besset dearvvaslaš buriid eallimiid eallit dáppe. Molssaeaktu lea fuolahit agibeaiválaš bargosajiid, nu mo guolásteapmi, biebmobuvttadeapmi, meahcásteapmi, eanadoallu, boazodoallu, kreatiiva ealáhusa ja mátkeealáhusa. 

Daja jo boahtteáigái, daja jo lundui – daja jo, Davvi-Norga galgá duođas váldot – jienas NSR