Beassášquiz ja válgašurran

GSS BEASSÁŠPROGRÁMMA

Gaskavahkku beassášvahkku bovde Guovdageainnu sámiid searvi sihke quizii ja válgašurramii Guovdageainnus.

VÁLGAŠURRAN

Dii. 11 – 13, mii lágidat válgašurrama ovttas NSRain. Boađe gáfestallat min listtoevttohasaiguin, presideanttaevttohasain ja luohttámušolbmuiguin. Mii leat deaivámis Gilišilljus dii. 11 – 13, gaskavahkku 16.04.25.

Boađe oahpásnuvvat minguin ja min politihkain, ja muitálit mii dutnje lea dehálaš dán čavčča válggain!

Mii maid almmuhat NSR viessobiilla namma, ja geat nammagilvvu vuite! Viessobiilla birra: 2025:s vuolgá NSR gierdomátkái deaivvadit olbmuiguin doppe gos sii leat – olles Sámis. Viessobilla šaddá válgagičču guovddážis ja min deaivvadanbáiki. Muhto ovdal go vuolgá johtui, de fertet dasa bidjat nama.

BEASSÁŠQUIZ

Dii. 19 – 22, lea quiz LávvuLávddis. Sámi quizduo, OSKÁL & OSKÁL, leaba viellja ja oabbá, Niels Ovllá Oskal Dunfjell ja Elle Mári Dunfjell Oskal. Soai leaba gergosat miellagiddevaš gažaldagaiguin. Šaddá sihke somá, hástaleaddji ja ustitlaš gilvaleapmi!

Quiz lea davvisámegillii ja eŋgelasgillii. Ahkemearri: 18 jagi. Ferte dieđihit ovdagihtii. Dieđut dan birra dás.

Lágideapmi lea ovttas Sámi musihkkafestiválain.