Lissta ålles Viestarmeraj

– Lip oadtjum nuorra listav buorre geográfalasj ájrastimijn. Kándidáhtajn la vijdes poltihkalasj åtsådallam, muhtema bæjválattjat barggi sámepolitihkajn dagu Mikkel Eskil Mikkelsen ja Eirik Larsen, madi iehtjáda lij ådå namá sámediggeválga aktijvuodan, javllá Ann- Mari Thomassen.

– Viestarmera la stuorra ja moattebelak válggabijrra. Dánna lij gålmmå stuora stáda, moadda sáme bájkij goappátjagá meraguovlujn ja sisednamin, ja moadda sáme giela. Mån lav duálasj gå lip sihkarastedum åvtåstimev miehtá válggabijras, joarkká Thomassen.

Tjuovvo namá lij NSRa listan Viestarmera válggabijran:

1. Mikkel Eskil Mikkelsen (1989) – Politiker, Bådåddjo/Bodø
2. Eirik Larsen (1983)- rådgiver og jurist, Hoanttas, Dielddanuorri/Tjeldsund
3. Helen Storelv-Rabone (1975) – Menighetspedagog, Evenášši/Evenes
4. Mathias Olsen (1995) – Bioteknologistudent og reindriftsutøver, Skánik, Dielddanuorri/Tjeldsund
5. Ann Karin Kvernmo (1971) – Politiker og kokk, Ráhkka/Gratangen
6. Vendla Katrin Nielsen (1970) – Prosjektleder, Ulsváhke, Hábmer / Hamarøy
7. Håvard Nija Lynghjem (1976) – Lektor/prosjektleder, Geretvuotna, Suorttá/Sortland
8. Marja Viktoria Langmo Petersen (2002), Hárstták/Harstad
9. Ole-Fredrik Vándar– Lærerstudent, Ájluokta, Hábmer/Hamarøy
10. Ing-Lill Pavall – Seniorrådgiver, Fuossko/Fauske

Mikkelsen manná vas válgajda.

Mikkel Eskil Mikkelsen la bajemusán listan Viestarmera válggabijran. Mikkel Eskil la Divtasvuonas, valla årru uddni Bådådjon. Sujna l girkkomusihkkaoahppo ja julevsámegiella iednegiellan. Mikkelsen la uddni sámediggeráde gænna åvdåsvásstádus gielas, bajássjaddamis ja åhpadusás.

– Gijtáv luohtádusá åvdås nominásjåvnnåtjåhkanimes. Mån lav måvtugis válggarahtjamusájn barggat, ja sávav oattjov hájn niellja jage Sámedikken. Mujna le miella joarkket bargov sáme sebrudagá åvdås, ja miella joarkket barggat tjiehpes ulmutji siegen miehtá sámednamis, javllá Mikkel Eskil

– Mån lav dudálasj daj bargoj majna lip vuorbástuvvam maŋemus niellja jage Sámedikken, valla vuojnáv vil edna barggo vuorbbá buojkulvissan åhpadussuorgen. Mån hálijdav joarkket barggat buoredittjat sáme oahppij rievtijt ådå åhpadusálgan, tjuovvolit Vájmo giela-ráppårtåv ja tsieggit ådå giellaarienájt, javllá Mikkelsen

Sáme iesjmierredibme la muv vájmmoássje, ja muv vuojnno le at nanos Sámedigge le buoremus vuohke man baktu mij sáme bessap hábbmit ietjama sebrudagáv ja boahtteájgev

Nuppát sajen listan la Eirik Larsen Hoanttas, Skánen. Larsen la jurista, ja la maŋemus niellja jagijt barggam rádevadden sámediggepresidænntaj Aili Keskitalo.

– Munji sjaddá ájnas barggat sáme kultuvra nannijma ja sáme fálaldagá åvdås ålles válggabijran, javllá Larsen.

– Sáme iesjmierredibme la muv vájmmoássje, ja muv vuojnno le at nanos Sámedigge le buoremus vuohke man baktu mij sáme bessap hábbmit ietjama sebrudagáv ja boahtteájgev, javllá Larsen.

Sáme bájkij ja boatsojæládusá åvdås

Goalmát kándidahtta listan la Helén Storelv-Rabone Evenásjes. Helén sæbrrá sámediggeválgajda vuostasj bále.

– Mån sebrav válgajda gå ednagav berusav sáme årrumsajis. Hæhttup doarjjot ednambargov, entrepenierajt ja dåjmajt ma bukti barggosajijt ja viesso årrumsajijt, javllá Storelv-Rabone.

– Mån aj ednagav berustav buorre varresvuodafálaldagás, sierraláhkáj nuoraj psykalasj varresvuohta la vájmo ássje munji, subtsas Helén.

Mån ájgov barggat nuoraj åvdås vaj siján la boahtteájgge árbbedábálasj æládusáj ietjama guovlon, dagu sijddalahá, ællobargge ja guollára

Næljátkándidahtta la Mathias Eilert Olsen, Skánes. Mahtias gullu Roabat boatsojæládusdistriktaj, valla studænntan la uddni. Mathias la guhkijt barggam NSRa nuorajsiebren Dielddanuorguovvlu nuorak, ja la ájrrasin læhkám NSRa nuorajnammadusán, valla dálla vuostasj bále válgajda vuolggá.

– Mån ájgov barggat nuoraj åvdås vaj siján la boahtteájgge árbbedábálasj æládusáj ietjama guovlon, dagu sijddalahá, ællobargge ja guollára, javllá Olsen.

Olsen aj vuojnná dárbov nanos fálaldagájda sáme bájkijn dán guovlon.

– Hæhttup rahtjat váj álmmuk oadjtu buorre iellemav sáme bájkijn. Guovdásj stáda dagu Áhkánjárgga hæhttu válldet stuoráp åvdåsvásstádusáv sáme åhpadusás ja sebrudakåvddånahttemis. Ep máhte dåhkkidit at sáme skåvlå hiejteduvvi, ja at sámegiellaåhpadibme sirdeduvvá ierit smávvep sáme bájkijs, javllá Mathias.

Kultuvralasj æjvvalimsaje lij ájnnasa ja mån ájgov sihkarasstet dajt.

Anka Rivtagis la vidádin NSRa listan Viestarmeran. Sån la guhkev barggam sámepolitihkan. Sån la NSR:v åvdedam Sámedikken maŋemus niellja jage æladus ja kultuvrrakomitean ja la barggam boatsoj- ja ednambarggoássjij.

– Sámebájke Rahka ja Rivtak aktan vuodoæládusáj la stuorra sadje muv vájmon. Mån ájgov barggat suodjalit æládusájt ådå áreallarievvomis ja åttjudit ienep åvddånimrudáv boatsojæládussaj ja ednambargguj vaj mij sihkarasstep sijá boahtteájgev.

– Kultuvralasj æjvvalimsaje lij ájnnasa ja mån ájgov sihkarasstet dajt. Buojkulvissan Markomeannu dárbaj stuoves ruhtadoarjjagav, javllá Kvernmo