Lulli-Norgga válgabiire

Dáppe gávnnat dieđuid ja NSR válgaprográmma Lulli-Norgga válgabiires. Válgabiires leat dat suohkanat Møre ja Romsdal ja Innlandet fylkkain mat eai gula válgabiire 6:žii, ja fylkkat Vestland, Rogaland, Agder, Telemark, Buskerud, Vestfold, Akershus, Østfold ja Oslo.

Lulli-Norgga válgabiire

NSR Lulli-Norgga válgabiires háliida bargat dáid áššiid ovddas:

  • ahte sámit Lulli-Norggas besset doaimmahit sámi kultuvvra máŋggabealat searvevuođas, oahppat ja geavahit min gielaid, ja guldaluvvot mearrádusain mat gusket midjiide.
  • nannet ja ásahit eanet sámi viesuid, giellaguovddážiid ja deaivvadanbáikkiid, ja buoridit rámmaid sámi eaktodáhtolašvuhtii, kultur- ja organisašuvdnaeallimii Lulli-Norggas. 
  • ovddidit ovttasbargojulggaštusa Oslo gielddain ja dahkat ođđa geatnegahtti ovttasbargošiehtadusaid gaskal Sámedikki ja Lulli-Norgga gielddaid, gávpogiid ja fylkkagielddaid, omd. Bergen, Stavanger, Østfold ja Akershus.
  • ahte buot Lulli-Norgga mánáid ja nuoraid vuoigatvuohta oažžut oahpahusa sámegielas ja sámegillii ollašuhtto beroškeahttá gos orrot. Mii hástalit fylkkagielddaid addit giellaoahpahusdáhkádusa sámi ohppiide, ja sihkkarastit ahte sámi mánát ja nuorat ožžot dan oahpahusa masa sis lea lágalaš vuoigatvuohta! 
  • nannet sámi gáiddusoahpahusa, ja sihkkarastit ahte oahppit Lulli-Norggas ožžot vejolašvuođa hospiteremii ja intensiiva giellaoahpahussii báikkálaš oahpaheddjiin, sin vuoigatvuođa mielde.
  • ovddidit sámi oahppofálaldaga Nedre Bekkelaget skuvllas Oslos resursan olles Lulli-Norgii, vai šaddá guovddášsadjin sámi mánáide ja nuoraide, omd. kultur- ja leairaskuvlafálaldaga bokte.
  • ahte eanet sámi mánáidgárddit ja bajásšaddanguovddážat ásahuvvojit Lulli-Norgga gávpogiidda, ja nannet dálá fálaldagaid. 
  • buohkain galgá vejolašvuohta oahppat sámegiela Lulli-Norggas! Mii háliidit eanet álgokurssaid ja digitála oahppofálaldagaid lulli-, julev- ja davvisámegielas universitehta- ja allaskuvladásis. 
  • ahte buot sápmelaččat Lulli-Norggas ožžot dásseárvosaš dearvvašvuođafálaldaga, mas lea sámi giella- ja kulturgealbu, dulkonbálvalusat ja sámegielat dearvvašvuođabargit. Mii doarjut ásaheami sámi dearvvašvuođafierpmádagain, -joavkkuin ja -deaivvademiin vai sámi fálaldat ollá buot sápmelaččaide.
  • ahte museat, kultur- ja oahppoásahusat Lulli-Norggas čalmmustit sámi dáidaga ja kultuvrra. Ovttasbarggus sámi birrasiiguin ja fágaolbmuiguin berrejit bargat sámi báikenamaid ja kulturmuittuid duođaštemiin ja gaskkustemiin Lulli-Norggas
  • ahte duodjebagadalli ásahuvvo Lulli-Norgii, mii fállá bagadeami ja duodjegelbbolašvuođa duodjekurssaid bokte . 
  • čuovvolit duohtavuođa- ja seanadankommišuvnna raportta doaibmabijuid bokte oktan Sámedikkiin, Mátta-Norgga gielddaiguin, Oslo sámi viesuin ja sámi organisašuvnnaiguin

Sáhttet jienastit čakčamánu 8. beaivvi

  • Arendal
  • Asker
  • Askøy
  • Bærum
  • Bergen
  • Drammen
  • Eidsvoll
  • Fredrikstad
  • Gjøvik
  • Grimstad
  • Halden
  • Hamar
  • Holmestrand
  • Horten
  • Indre Østfold
  • Kongsberg
  • Kristiansand
  • Kristiansund
  • Larvik
  • Lillestrøm
  • Lillehammer
  • Lørenskog
  • Moss
  • Nannestad
  • Nes
  • Nesodden
  • Nittedal
  • Nordre Follo
  • Oslove – Oslo
  • Porsgrunn
  • Rælingen
  • Ringerike
  • Sandefjord
  • Sandnes
  • Sarpsborg
  • Skien
  • Stavanger
  • Tønsberg
  • Ullensaker
  • Vestby
  • Ålesund
  • Ås

Fertejit ovdalgihtii jienastit

Jienasteaddjit geat ásset gielddain main unnit go 30 jienasteaddji eai beasa jienastit válgabeaivvi.

Fertet ovdalgihtii jienastit gaskkal borgemánu 11. beaivvi ja čakčamánu 5. beaivvi.

  • Buohkat earát.
  • Sii geat eai leat ruovttus válgabeaivvi.