Nuortaguovllu NSR listus lea nana vuoibmi ja gealbu

– Mis lea čielga ulbmil válggaide: Nannet giela, kultuvrra ja vuoigatvuođaid. Min áirasiiguin leat viiddis gelbbolašvuohta, historjá áddejupmi, ja geat áŋgirit háliidit politihkkalaččat ovddidit sámi áššiid, cealká NSRa nuortaguovllu válgabirestivra.

Bajimuččas lea oahpaheaddji studeanta Jon-Christer Mudenia (29) Gárdakis Deanus. Son lea bargan Ofelažžan. Duohtavuođa- ja Soabadankommišuvnnas ja lea nana poltihkkáđašgealbu nuoraid- ja gieldda politihkkas.

– Giella lea mu suotna ja dan maid mun doalan lagamus váimmu. Dat lea mu mánnávuođa oadjebasvuohtan, ja lea álo leamašan oassin mus. Danin lea munnje deaŧálaš ahte árbediehtu ovddiduvvo, nannen dihte sihke sámi giela, servvodaga ja vuođđoealáhusaid nugo meahccásteame, eanadoalu, boazodoalu ja guolásteame, dadjá Mudenia

Jovna Vars Smuk (41), boazodoallis Vuonnabađas leat vásáhusat ovddežis Sámedikkis ja lea ráfálaš olmmoš. Son áŋgiruššá mánáid vuoigatvuođaid giela oahppat, ceavzilis ja guoddevaš luonddu ja dálkkádat jurddašeapmija borramuš sihkkarvuohta dehálaš. Son háliida gáhttet ja seailluhit ealáhusaid bohtteáiggi buolvvaide.

Nuortasápmelaš Venke Tørmænen (67) Máttavárjjagis diehtá mo lea giela ja kultuvrra manahit. Son lea dáruiduhttima árbeguoddi ja háliida máhcahit gutnálašvuođa, giela, duoji, vuotnaguolásteami.

Synne Mathisen Ratikainen (24) Gorŋetak ja Čáhcesullos háliida nuoraide addit doaivaga, beassat guolástit ja eallit luonddus. Sus lea sihke suoma ja sámi duogáš ja dadjá čielgasit: – Luonddu ii galgga billistit. Bieggamillut eai galgga suoivvanastit min boahtte áiggi!

Finn-Arne Bieski-Selfors (70) Lálloš Deanus lea penšunista ja jurista. Son áŋgiruššá meahcásteapmis. Ii šat billistit eatnamiid, ja orostahttit sisabahkkemiid mat billistit sámi duovdagiid ja luonddu. Vuoigatvuođat, giella ja sámi boahtteáigi leat sutnje deaŧalaččat.

NSR Nuortaguovllu válgabires leat olbmot geain leat vásáhusat ja ođđa jurdagat – geat leat gárvá hábmet boahtteáiggi Sámi. ČSV!

Dá lea NSR listu Nuorttaguovllu válgabiires:

1. Jon-Christer Mudenia, 1995, Gárdak/Deatnu
2. Jovna Vars Smuk, 1983, Vuonnabahta
3. Venke Tørmænen, 1956, Paččjokk/Báhčeveaijohka
4. Synne Mathisen Ratikainen, 2000, Čáhcesuolu
5. Finn-Arne Bieski-Selfors, 1955, Lálloš/Tana
6. Leif Pedersen, 1969, Davvesiida
7. Telma Samuelsen, 1988, Deatnu
8. Birgit Wøhni Risan, 1992, Kuõbǯǯjäuʹrr/Guovžajávri
9. Anette H. Länsman, 1988, Unjárga
10. Per Anders Store, 1987, Mátta-Várjjat