Danin berret jienastit NSR

NSR dáhttu Sámi gos dutnje lea sadji, leaččat dal bajásšaddan sápmin, vai dál easkka gávdnamin iežat ruohttasiid. 

Mii diehtit ahte eai buohkain leamaš giella, kultuvra dahje oktasašvuohta olámuttus. Danne mii dáistalat vai don dál oččošit dan dál. Lea sáhka gullevašvuođas, oadjebasvuođas ja vuoigatvuođas beassat leahkit ieš – beroškeahttá gos boađát, maid máhtát, ja gos eallimis leat. 

Sámediggi ferte speadjalastit máŋggabealatvuođa min álbmogis. Dán háve searvá NSR válggaide buot agi evttohasain, juohkeguovllus Sámis, main iešguđet vásáhusat ja bargoduogážat. 

Sámediggi galgá leat sámiid jietna. Ii fal industriija skájanas.

NSR dáhttu Sámi gos giella ja kultuvra beassá ahtanuššat. Mii dáhttut Sámi gos vuoigatvuođat doahttaluvvojit, ja eatnamat ja ealáhusat hálddašuvvojit ovddasvástádusain. NSR vállje oktasašvuođa, vuoiggalašvuođa ja duohta dadjamuš áššiin mat váikkuhit min eallimiidda. Ja mii leat čájehan ahte mii eat vuollán, maiddái dalle go šaddá dálki. 

NSR doalaha ahte luondu, vuonat ja duottar galgá seailluhuvvot boahttevaš buolvvaide. 

Nordkalottfolket ja sin ovttasbargoguoimmit rahpet bieggafápmohuksemiidda, Nussir-ruvkii ja Muolkkuid-elektrifiseremii, ja dadjet ahte Sámediggi ferte eanet fuolahit norgalaš geahččanguovlluid ja dadjat jo buot industriijaide maid gielddat dáhttot. 

Sámediggi galgá leat sámiid jietna. Ii fal industriija skájanas. 

Mii háliidat Sámedikki gos don gullot!

Guolli galgá fas álbmogii

Miehtá rittu masset mearrasámi báikegottit bivdovejolašvuođaid, bivddu mii lea biebman máttuideamet maiddái. Earit šaddet milliardearaid gaccaid gaskii, guollevuostáiváldimat heaittihuvvojit, ja nuorat masset doaivaga birget bivdduin.

NSR dáhttu jorgalahttit dán, ja cegget fas riddoservodagaid:

• Earit galget vuotna- ja riddoguolásteddjjiidde, eai ge industriijastuorráide.
• Káiat ja vuostáiváldimat ruovttoluotta sámi guovlluide 
• Nuorra guolásteddjiid rekruteret, sihke doarjagiid ja oahpu bokte

Earit šaddet milliardearaid gaccaid gaskii, guollevuostáiváldimat heaittihuvvojit, ja nuorat masset doaivaga birget bivdduin.

Dušše NSR lea lohpidan joatkit dáistalit Muolkkuid-mearrádusa vuostá

Ráđđehusa mearrádus Muolkkuid elektrifiseret dahkkui váikkuhusguorahallama haga ja maiddái gulakeahttá sihke Sámedikki ja davvi-Norgga álbmoga. 

Mearrádus mielddisbuktá:

• Ođđa bieggafápmohuksemiid lundui
• Eanet elfápmogeavaheami olles davvi-Norggas 
• Ahte sámiid vuoigatvuođat ja báikkálaš demokratiija hilgojuvvo

Sámediggi lea áššáskuhttán stáda – go dás lea sáhka olu viidát áššiin go dušše elrávdnji. Lea sáhka prinsihpas: Leatgo mis vuoigatvuođat, vai eai go leat?

Dušše NSR lea lohpidan lohppii vuodjit ášši. Mii eat dáhto bilidit luonddu ja goaridit álbmoga duhtadan dihtii oljofitnodagaid. Mii dahkat dán várjalan dihtii rievtti gullot, várjalan dihtii luonddu, ja go mii diehtit ahte suvdinnávccalaš báikegottit leat oassin Norgga gearggusvuođas. 

Mii eat vuollán. 

Jienas NSR, sihke gielaid, vuoiggalašvuođa ja boahtteáiggi dihtii. Du dihtii, ja maŋisboahttiid dihtii. Don galggat gullot!

Mii eat dáhto bilidit luonddu ja goaridit álbmoga duhtadan dihtii oljofitnodagaid.

Govven vuosttaš gova: Ánne Kátjá Gaup/Johtti productions