Bures boahtin Duodje-LANii Romssas. Dán háve beasat oahppat njuikkuhit vuoddagiid, goarrut gihcenáhkkegahppira dahje ráhkadit gákteminstara. Dego ovdal lea mis maid "Boađe geargat", gos sáhtát buktit álggahuvvon duoji ja oažžut inspirašuvnna gárvet dan.
Searvva Duodje-LANii njukčamánus
Kategori
NSR-davviDato
12.02.2025
NSR-davvi
Kurssaid maid mii fállat
Duodje-LAN lea rabas buohkaide, ja it dárbbaš leat miellahttu vai searvat. Dán háve mii fállat čuovvovaš kurssaid:
Gihcenáhkkegahppir
Ođđa vejolašvuohta – mii geardduhat kurssa mii dievai hui johtilit mannan čavčča.
Eva Isaksen oahpaha goarrut gihcenáhkkegahppira!
Kursa bistá 16 diimmu – bearjadaga, lávvardaga ja sotnabeaivvi.
Kursadiva 1200 ru + ávnnaspáhkka 600 ru.
Gákteminstara ráhkadeapmi
16 diimmu kursa Jorunn Løkvoldain – bearjadaga, lávvordaga ja sotnabeaivvi.
Dán kurssas oahpat ráhkadit minstara Ivgu-, Moskavuona-/Romssa- ja Láhppi-/Návuona-/Álttá-gáktái).
Kursadiva 1500 ru.
Njuikkuheapmi
Dát njuikkuhankursa Ciućka Sjursenin bistá guokte vahkkoloahpa; nubbi vahkkoloahppa lea miessemánu 9.-11. beivviid. Dás oahpat njuikkuhit vuoddagiid, vuoddagat mas ii leat čuldon minsttar.
Kursadiva 1900 ru + ávnnaspáhkka 450 ru (njuikun ja geahpa).
Boađe geargat
Máŋgasis mis leat álggahuvvon duojit ruovttus maid eat oru goassige nagodeamin gárvet. Buvtte iežat prošeavtta Duodje-LANii ja oaččo inspirašuvnna ja inddu geargat. Kurssas ii leat oahpaheaddji, muhto oasseváldit sáhttet veahkehit nubbi nuppi.
Oassálastindiva 350 ru olles vahkkoloahpa ovddas.
Áigi ja báiki
Bearjadaga njukčamánu 14. b. dii. 17:30 – 19:45
Lávvardaga njukčamánu 15. b. dii. 10:00 – 19:45
Sotnabeaivvi njukčamánu 16. b. dii. 10:00 – 15:00
Báiki: Kongsbakken joatkkaskuvla, Skolegata 16, Romsa.
Dieđiheapmi
Lea ráddjejuvvon báiki kurssaide – son gii vuosttasin dieđiha oažžu saji.
Dieđit dás: Dieđihanskovvi
Dieđiheapmi čatná – leat easkka dieđihuvvon go leat máksán.
Máksin – ja vejolaš vuoládus
Kursadiva ja vejolaš ávnnaspáhkka galgá máksot ovddalgihtii. Sáhtát máksit Vippsa bokte dahje min báŋkokontoi.
Romssa Sámi Searvvi miellahtut ožžot 100 ru vuoládusa kursadivvagis.
Jus leat NSR-miellahtu ja vuollel 26 jagi, de mávssat bealle kursadivvaga.
Káffe/teadja ja liegga lunša lávvordaga gullá haddái. Buvtte áinnas iežat káffekohpa.
Mii illudit duddjot dinguin fárrolaga Duodje-LAN:s.
Bures boahtin!
Duodje-LAN lágida Romssa Sámi Searvi ovttasbarggus Sámi Oahppolihttuin – SOL ja Duodjeinstituhtain.