Forside | Saernieh | Artihkelh | NSR | NSR:n åarjelsaemienlæstosne tjïelke jïh eadtjohke noerigujmie

NSR:n åarjelsaemienlæstosne tjïelke jïh eadtjohke noerigujmie

Daelie Nöörjen Saemiej Rïjhkesiebrien (NSR) kandidaath Åarjel-Saepmien veeljemegievlesne, jïh Maja Kristine Jåma Snåaseste veeljesovveme bijjemes kandidaatese. Jåma lea båatsoeburrie, saemien lohkehtæjja jïh daelie politihkeles raeriestæjjine barka saemiedigkieraerien åvteste.

Kategori
NSR
Forfatter
NSR
Dato
11.03.2021
NSR

NSR:n åarjelsaemienlæstosne tjïelke jïh eadtjohke noerigujmie

Garmeres jïh skreejrehtem

– Manne garmeres jïh skreejrehtem juktie læstosne tjaådtjodh jeatjah væjkeles almetjigujmie, Jåma jeahta.

Manne sïjhtem saemiej reaktaj nænnoestidh jïh akten buerebe båetijen aejkien åvteste barkedh Åarjel-Saepmesne.

Maja Kristine tjïelke åarjelsaemien gïele orreme gæmhposne bïegkefaamoevierhkien vööste. Eeremasth Fovsen Njaarkesne gusnie Jåma jïh sov fuelhkie båatsoste jielieh.

– Ibie maehtieh jååhkesjidh gaajhkh dejtie skilkehtasside mah mijjen dajvh sualadieh! Manne sïjhtem saemiej reaktaj nænnoestidh jïh akten buerebe båetijen aejkien åvteste barkedh Åarjel-Saepmesne. Saemienlohkehtæjjine aaj sïjhtem buerie gïelelïerehtimmiem gorredidh abpe ööhpehtimmesne, Jåma jeahta.

Mijjen bijjemes kandidaath leah noerh, eadtjohke jïh eensi daajroem utnieh.

NSR:n læstosne Åarjel-Saepmien gievlesne noerh jïh almetjh ovmessie maadtojste, gusnie dah göökte golmijste bijjemes leah nyjsenæjjah, jïh gaajhkh leah nuerebe goh 35 jaepien båeries.

– Mijjieh madtjeles mijjen kandidaatigujmie Saemiedigkien veeljemasse! Mijjen bijjemes kandidaath leah noerh, eadtjohke jïh eensi daajroem utnieh. Jalhts leah dan noere dah joe jïjnjem saemiepolitihkeles gyhtjelassigujmie barkeme, åejvie veeljemeståvrosne Grethe Dunfjeld jeahta.

Nominasjovnetjåangkoe lij njoktjen 11.biejjien, digitale Zoomen tjïrrh.

NSR:n saadtalmetjh Saemiedigkieveeljemasse 2021:

  1. Maja Kristine Jåma (1993), Snåase
  2. Ole Henrik Bjørkmo Lifjell (1994), Bleikvasslia
  3. Lisa-Marit Pentha-Stavsøien (1986), Plassje
  4. Kristin Sara / Ellána Risten Risten (1965), Sætervik
  5. Jon Isak Lyngman Gælok (1987), Snåase
  6. Ina-Theres Sparrok (1995), Namsskogan
  7. Laara Dunfjeld (1987), Snåase
  8. Gunn Utsi (1959), Trofors
  9. Mattis Danielsen (1976), Plassje