NSR ohcá organisašuvdnačálli

NSR ohcá olbmo gii áigu bistevaččat leat oassin NSR-bearrašis. Mii sávvat dakkár mielbargi gii sáhttá iešheanalaččat bargat, váldit ovddasvástádusa ja veahkehit min iežas buriid jurdagiiguin. Jus mii heivet bures oktii, de beasat veahkehit NSR-N dehálaš barggu, ja maiddái leat oassin NSR čállingottis ja dainna lágiin leat mielde hábmeme historjjálaččat dehálaš ja guovdilis beroštusorganisašuvnna barggu.

Kategori
NSR
Forfatter
NSR
Dato
19.12.2019
NSR

NSR ohcá organisašuvdnačálli

NSR-N ohcá organisašuvdnačálli 20–25 % virgái.

NSR ohcá olbmo gii áigu bistevaččat leat oassin NSR-bearrašis. Mii sávvat dakkár mielbargi gii sáhttá iešheanalaččat bargat, váldit ovddasvástádusa ja veahkehit min iežas buriid jurdagiiguin. Jus mii heivet bures oktii, de beasat veahkehit NSR-N dehálaš barggu, ja maiddái leat oassin NSR čállingottis ja dainna lágiin leat mielde hábmeme historjjálaččat dehálaš ja guovdilis beroštusorganisašuvnna barggu.

NSR-N birra
Nuoraidlávdegoddi jođiha NSR nuoraiddoaimma, dat buktá cealkámušaid NSR ovddas nuoraidáššiin ja ovddasta NSR našuvnnalaččat ja riikkaidgaskasaččat deaivvademiin eará nuoraidorganisašuvnnaiguin ja nuoraidáššiin. NSR-N:s leat jođiheaddji, nubbijođiheaddji ja golbma miellahtu geat ovttas viđain várralahtuin buohkat eanas háviid lávejit čoahkkanit deaivvademiide, ja geat dahket mearrádusaid konsensus-/ovttaoaivilvuođaprinsihpa mielde. NSR-N:s lea bistevaš sadji NSR riikkastivrras ja NSR-N jođiheaddji lea oassi NSR jođiheamis.

NSR-N:at čoahkkanan iežaset prošeaktabargui NSR riikkačoahkkimis skábmamánu 2018 (govven: Márjá Louise Somby)

Virggi birra
Organisašuvdnačálli barggut leat earret eará veahkehit NSR-N čoahkkimiid vuolde ja daid gaskkas, čađahit mearrádusaid maid NSR-N lea dahkan, bargat NSR-N prošeavttaiguin ja bargguiguin mat leat čadnon mánáid- ja nuoraidmiellahtuide, erenoamážit ovttas NSR-N jođiheddjiin ja čállingoddejođiheddjiin.

Virgádeamis deattuhuvvo beroštupmi organisašuvdnabargui, sámi servodatdilálašvuođaide (maid eatnasat gohčodit politihkkan), geabbilisvuohta ja čállinčehppodat. Ođđa virgádemiin geahččala NSR nannet čállingotti sámegielgelbbolašvuođa. Dan dihte lea sávahahtti ahte son guhte virgáduvvo hálddaša davvi-, julev- ja/dahje lullisámegiela sihke njálmmálaččat ja čálalaččat.

Bargosadji lea eanas NSR čállingottis Guovdageainnus, muhto mii árvvoštallat ruovttukantuvravejolašvuođaid maid. Mátkedoaibma ferte rehkenastojuvvot.

Lea sávahahtti ahte álgá bargui jođáneamos lági mielde. Bálká šiehtaduvvo. Ferte čájehit politiijaduođaštusa ovdal vejolaš virgádeami.

Jus leat gažaldagat dahje háliidat eanet dieđuid, váldde oktavuođa NSR čállingoddejođiheddjiin Thomas Myrnes Nygårdain tlf bokte: +47 988 50 273. Sáhtát maid váldit oktavuođa NSR-N jođiheddjiin Maren Nystad Storslettain: +47 971 22 760.

Ohcanáigemearri
Ohcamuš oktan CV:in ferte ollen NSR:ii ovdal mánnodaga ođđajagimánu 20. b. 2020. Ohcamuš sáddejuvvo elektrovnnalaččat e-bostii: nsr@nsr.no, dahje boastta mielde NSR:ii: Bb. 173, 9521 Guovdageaidnu.