NSR bovde nuoraidmiellahtuid oahpásnuvvat Sámedikkiin ja NSR politihkalaš bargguin. Beasát čuovvut NSR Sámediggejoavkku guohte vahkku Sámedikkis.
Čuovo min guokte vahkku Sámedikkis!
Kategori
NSR NuoratDato
11.05.2022
NSR Nuorat
Čuovo min guokte vahkku Sámedikkis!
Oahpahalli
NSR Oahpahalli ordnet addá nuoraidmiellahtuide vejolašvuođa oahppat eambbo sámepolitihka, NSR ja Sámedikki birra. Beasát čuovvut NSR Sámediggejoavkku guokte vahkku Sámedikkis. Go ieš leat fárus, oaččut erenomáš vejolašvuođa oahpásnuvvat Sámedikki vuogádagain. Ordnet lea nuorra NSR miellahtuide badjel 18 jagi, geat háliidit oahpásnuvvat Sámedikkiin.
Oahpahallin gokčojuvvo mátki ja orrun Kárášjogas, ja vel oaččut honorára daid beivviid ovddas.
Loga eambbo Oahpahalli ortnega birra dás!
Jus dus leat jearaldagat ortnega birra, sádde e-boastta nsr-u@nsr.no dahje riŋge Sara Katrine Aleksandersen (nuoraidčálli) +47 975 02 191 nummarii.
Beasat čuovvut lávdegodde- ja dievasčoahkkima Sámedikkis
Lávdegoddi:
Miessemánu 30. b. čoahkkanit áirasat Sámediggái. Dalle lea joavkočoahkkimat. Miessemánu 31. b gitta geassemánu 4. b. leat lávdegoddečoahkkimat. Sámedikkis leat golbma fágalávdegotti; plána- ja finánsalávdegoddi, bajásšaddan-, fuolahus- ja oahppolávdegoddi ja ealáhus- ja kulturlávdegoddi. Lávdegottit ovddidit evttohusaid dievasčoahkkimii.
Loga eambbo Sámedikki fágalávdegottit birra dás.
Dievasčoahkkin:
Geassemánu 13. b. gitta geassemánu 17. b. lea dievasčoahkkin. Dievasčoahkkin lea Sámedikki bajimus orgána, gos buot áirasat čoahkkanit digaštallamii ja gos mearrádusat dahkkojit. Dát čoahkkin lea Sámedikki dievasčoahkkinlanjas.
Loga eambbo Sámedikki dievasčoahkkima birra dás.
Oahapahalli:
Oahpahallin beasat čuovvut buot NSR joavkočoahkkimiid. Don galggat maid válljet ovtta fágalávdegotti man čuovut, ja maid čuovvut dievasčoahkkima. Beasat maid searvat semináraide ja eará čoahkkimiidda maid NSR Sámediggejoavku searvá. Ja dieđusge viisot sosiála dáhpáhusaide gaskkal čoahkkimiid.
Dus lea maid muhtin gean don čuovut, geas sáhtát jearrat gažaldagaid ja oažžut rávvagiid. Oaččut ovdagihtii dieđuid vai beasát ráhkkanit čoahkkimiidda, muhto lea dan maid oahpat beivviin Sámedikkis lea dat deháleamos oassi!
NSR nuorra áirasat Sámedikkis
NSRas lea nuorra sámediggejoavku. Dat 12 nuoramus áirasat Sámedikkis gullet NSRii, ja dasto lea NSR mielde vuolideame gaskameareagi Sámedikkis. NSR bargá dan ovddas vai nuorat besset áŋgiruššat politihkalaččat, ja lea álo guldalan nuoraid jienaid. Oahpahalli ordnet lea leamašan olu dálá áirasiid vuosttaš deaivvadeapmi Sámedikkiin.
