Válggat 2025

Dás gávnnat dieđuid min valgagohcimiid birra

Danin berret jienastit NSR:a

Dát válggat lea válljemuš gosa Sámediggi galgá mannat, ja luoddaearru boahtteáigái. Lea sáhka das makkár Sámi ja Sámedikki don háliidat. Mii dáhttut Sámi gos beasat leat oadjebas iežat sajádagas, ja Sámedikki mii álo dáistala du ovddas.

NSR máhcahanplána 2025: Fárre ruoktot, eale sámi eallima – ealli sámi báikegottiin.

Dás gávnnat NSRa válgaprográmma 2025-2029 áigodahkii

Dás oainnát min evttohasaid 2025 Sámediggeválggaide

Váldde oktavuođa

• Gažaldagaid sáhtát divvut midjiide dán čujuhussii: valg@nsr.no
• Gažaldagaid Preassa ja gulahallama ektui divut Aina Madelén Nordsletta Aslakseniin dás: presse@nsr.no / aina@nsr.no eller tlf. +47 40197299
• Gažaldagaid organisašuvnna ja nammadanproseassa birra divut NSRa jođiheaddjái, Beatrice Iren Fløystadii dás: beatrice@nsr.no dahje tlf.  +47 415 10 105

Dokumeanttat

• NSRa njuolggádusat listobárgguide 2024 
• NSRa nominašuvdnabagadeaddji  17.1.2025
• NSRa njuolggádusat čoahkkindoaimmaide

Searvva NSR miellahttun

Ná jienastat 

1. Mana jienastanbáikái ja muital ahte áiggut jienastit Sámediggeválggain. Muhtun jienastanbáikkiin lea sierra lanjat dása.
2. Váldde fárrui dohkálaš legitimašuvnna ja válgakoartta. Dat manná jođáneappot. Jus dus ii leat válgakoarta, de čállet válgabargit dutnje ođđa.
3. Don oaččut alit jienastankonvoluhta ja čálihuvvon válgakoartta jus dus ii leat fárus dat (nu ahte jienasteami sáhttá riekta registreret).
4. Mana válgalatnjii, vállje dan bellodaga man áiggut jienastit ja bija jienastanlihpu alit konvoluhttii.

5. Atte konvoluhta válgabargái.

   Jus jienastat suohkanis gos it leat álbmotregistrerejuvvon, de sii bidjet konfaluhta oktan du jienastangoarttain olggoškonfaluhttii. Dát sáddejuvvo du ruovttugildii, gos jienastat lohkojuvvo.

6. Konvoluhtta galgá biddjot gokčojuvvon jienastanlihttái.

Ollu lihkku, don leat jienastan!

Rievdadit jienastanlihpu

Dus lea vejolašvuohta rievdadit bajimuš evttohasaid ortnetvuoru.

• Čále nummara buot evttohasaid ovddabeallái, maiddái sin geaid divttát bissut seammá sajis.
• Jos dušše muhtimiid nummereret, de hilgojuvvo rievdadus.
• Rievdadus dohkkehuvvo dušše jos badjel bealli listtu jienasteddjiin lea dahkan seamma rievdadusa.

Jienasteapmi válgabeaivvi

Máŋgasiid mielas lea hui gelddolaš jienastit válgabeaivvi.

Fuomáš: muhtun suohkaniin sáhttet leat iešguđet jienastanbáikkit sámediggeválggaide ja stuorradiggeválggaide.

Geahča iežat jienastankoarttas dahje suohkana neahttasiidduin – doppe čuožžu guđe jienastanbáikkis galggat jienastit.

Fertetgo don ovddalgihtii jienastit?

• Jo, jos leat álbmotregistrerejuvvon suohkanis mas leat unnit go 30 olbmo čálihuvvon válgajienastuslohkui.

Jos ásat suohkanis mas leat eanet go 30 olbmo čálihuvvon válgajienastuslohkui, de sáhtát jienastit válgabeaivvi.

Muitte fal ahte fertet ovddalgihtii jienastit jos:

• don leat studeanta ja orut eará suohkanis go dan gos leat álbmotregistrerejuvvon
• it leat ruovttus dahje it astta jienastit válgabeaivvi

Árratjienasteapmi

It go sáhte jienastit ovddalgihtii dahje válgabeiavvi?

Váldde oktavuođa iežat suohkaniin, de sáhtat árratjienastit gaskkal suoidnemánu 1. beaivvi ja borgemánu 8. beaivvi.

Ovddalgihtii jienasteapmi

Buohkat sáhttet ovddalgihtii jienastit – ja muhtumat fertejit.

Sáhtát ovddalgihtii jienastit buot suohkaniin gaskkal borgemánu 11. beaivvi ja čakčamánu 5. beaivvi.

Ovddalgihtii jienasteapmi eará válgabiirres

Jus jienastat eará válgabiirres go das mas ásat, de ii leat sihkar ahte du biirre listtut leat doppe. Danne fertet dárkkistit ahte jienasteapmi šaddá riekta.

Jus áiggut jienastit NSR:a, de sáhtát:

• russet bellodatlisttus mas čuožžu NSR
• čálihit jienastanlihpu iežat válgabiirrii ja váldit dan mielde jienastanbáikái
• čálát NSR – Norske Samers Riksforbund lihppui man oaččut jienastanbáikkis ja cokkat dan jienastanlihppo-konvoluhttii.

Geahča dás fertet go ovdalgihtii jienastit!

Presideantaevttohasat

Eanet ge bellodagain leat presideantaevttohasat. NSR evttohas lea Silje Karine Muotka, Unjárggas eret muhto ássá dál Álttás.

Jienasteaddjin it jienas presideantaevttohasaid njuolga, muhto jus NSR bastá cegget eanetlogu Sámediggái de mii válljet Silje presideantan.

Válgabiirret ja evttohasat

Sámediggeválggat leat juhkojuvvon 7 geografálaš guovlluide, mat eai čuovo fylkkarájáid.

Sáhtát dušše jienastit listtuid ja evttohasaid mat servet válggaide iežat válgabiirres.

NSR lea ceggen listuid buot 7 válgabiiriin.

Gii beassá jienastit?

Fertet leat čálihuvvon Sámedikki jienastuslohkui jus áiggut jienastit Sámediggeválggain.

Áigemearri čáliheapmái 2025 válggaide lei geassemánu 30. beaivi.

Leat go eahpesihkar leatgo jienastuslogus?

Sáddes e-boastta samediggi@samediggi.no, de sii isket du ovddas.

Gii beasá dieđihit válgajiensatuslohkui?

Don beasat dieđihit jos:

• leat boarráset go, dahje deavddát 18 jagi válgajagi
• anát iežat sápmelažžan ja
  • juogu dus lea sámegiella ruovttugiellan, dahje
  • dus lea, dahje lei, váhnen, áhkku, áddjá dahje máttarváhnen geain lea/lei sámegiella ruovttugiellan.
• Don sáhtát maid dieđihit jos dus lea váhnen gii lea, dahje lei, čálihuvvon válgajienastuslohkui.

Mo dieđihat?

Lea hui álki dieđihit Sámedikki neahttasiiddu bokte. Fertet logget sisa ID-portálain/MinID:in.

1. Deaddil logge sisa
2. Čuovo bagadeami mo logget sisa ID-portálain
3. Duođaš juo sihke 1. ja 2. oasis

Sáhtát maid boares lági mielde dieđihit ja sáddet báberskovi. Gávnnat dieđihanskovi Sámedikki neahttasiidduin. Sáhtát maid viežžat báberskovi Sámedikki kántuvrrain.

Dieđit válgajienastuslohkui