Faamoe noerehtjåanghkoe

NSR-noereh sijhtieh datnem Faamoe noerehtjåanghkose bööredh, golken 7-10 biejjie 2021, Mussierisnie.

Kategori
NSR Noerh
Forfatter
NSR-N
Dato
29.09.2021
NSR Noerh

Faamoe noerehtjåanghkoe

NSR-noereh sijhtieh datnem Faamoe noerehtjåanghkose bööredh.

Daan hïeljen edtjijibie voerkelidh noerepolitihkeles aamhtsh jïh bïegkefaamoetseegkeme, mohte aaj ektsne sosiale darjomes dorjedh. Edtjijibie Øyfjellet vindpark’ese mïnnedh, workshop/soptsestimmie daennie dajven båatsoenoerine jïh lïeredh guktie bïegkefaamoe båatsoem, båatsoenoerh, vaerieh jïh dajven håvhteden.

Bene aaj edtjiejibie dorjedh saemiepolitihke jïh saemien gæmhpoe-aamhtsh luste, jïh lïeredh guktie mijjen gïelem nuhtjedh juktie politihkeles aamhtsh dïjpejibie. Håhkesjibie noerh ovmessie sijjieh Saepmeste tjåanghkenidh jïh sinsitniem åahpenadtedh.

Gåessie: golken 7-10 biejjie 2021
Gusnie: Mussere

Aaltere: 15 – 26 jaepien båeries

Noerehtjåanghkoe lea namhtah juktie NSR-n gaajhke maeksieh.

Bæjhkoehtidh: https://forms.gle/TUzXutT196PdujKAA

(Bæjhkohth aerebe jierreden 30.09.21)

 

Daate prosjekte Faamoe – maam daaroen&englaanten-gïelesne sjædta myndiggjøre/empowerment, edtja saemien noerh nænnoestidh, dovne jïjtjemsh jïh politihkeles, maahtoem, kultuvrem jïh öörnegen tjïrrh. 

Faamoem visjovne edtja saemien noerh nænnoestidh daejtie kultuvre-aarvoeh tjïrrh:

  • Mijjen dajveektievoeth jååhkesjidh jïjtje premissihgujmie mieriedidh.
  • Vyöhkesidh dannasinnie ektsne veaksakåbpoe.
  • Eatnemen dovne tjaetsien starnedahteme faamoe fååtmestidh.
  • Vïssjele- jïh vietseles –laakan sinsitnine dåemedidh, jïh sinsitniem seahkaridh. 
  • Dïedtem latjkes-laakan, sjïehteles, maahtojne jïh ektsne tjïrrehtidh.
  • Vieksesvoetem seabradahksne nænnoehstidh, lustesaajmone, dåajmies- jïh rååpmes-laakan.

NSR-N lea dåarjoem Arctic Indigenous Fund’este åådtjeme noerehtjåanghkoem Musserisne dorjedh. 

Aavoedibie!