Oktasaš sámi boazodoalloseminára

Otná dilis lea unnán gulahallan riikarájáid rastá boazodoalu áššiin. Dattege diehttit mii ahte leat ollu seammalágán hástalusat ja beroštumit ležžet dal Norggas, Ruoŧas dahje Suomas. Lea áigi čohkket sámi boazodolliid iešguđet riikkain ja bargagoahttet fárrolágaid oktasaš hástalusaid hárrái earret eará sisabahkkemat, boraspire vahágat ja dálkkádat rievdadeamit. Ollu návccat boazodolliin biddjojit gáhttet ealáhusa iešguđet guovlluin, muhto lea váilevaš gulahallan erenoamážit riikarájáidgaskkas. Seminára bokte beassat čohkket návccaid, juohkit gealbbo ja vásáhusaid.

Livčče maid áigi álgit geahčadit makkár eavttut ja lágat iešguđet riikkain leat. Mii diehtit ahte gávdnojit sihke buoret ja heajut bealit mo otná hálddašeapmi doaibmá. Ulbmil livčče bargagoahttet vuoi lágat heivehuvvojit boazodoalo dillái nu go praktihkalaččat doaibmá.