NSRa mánggabealát ja viiddis listtu Davit válgabires

Norgga Sámiid Riikasearvi (NSR) lea dal gearggus iežas kándidáhtaiguin Sámedikkiválgii 2021 Davit válgabires. Listtu bajimusas lea presideanttaevttohus Silje Karine Muotka, Per Johnny Sara, Anja Johnsen ja Gunn-Anita Jacobsen.

Kategori
NSR
Forfatter
NSR
Dato
17.03.2021
NSR

NSRa mánggabealát ja viiddis listtu Davit válgabires

– Davit válgabire fátmasta Ráisa ja Storsletta lulimusas, gitta Máhkarávjjui davimussii. Mis lea naná ja mánggabealat listtu, oaivildan kándidáhtat ovddastit sámi álbmoga min guovlluin erenoamáš buriin vugiin. Illudahttá earenoamažiid go leat nu máŋga nissonolbmo njunnožis, ja leat máŋga nuora geat leat aktiivvalaččat, dadjá válgalávdegotti jođiheaddji NSRs válgastivrras Davit válgabires, Brita Julianne Skum.

 Čuovvovaš evttohusat galget ovddastit NSR Davit válgabires Sámedikkiválggas 2021:

  1. Silje Karine Muotka
  2. Per Johnny Sara
  3. Anja Johnsen Thonhaugen
  4. Gunn-Anita Jacobsen
  5. Andreas Vangseng Becken
  6. Gard Olav Garden
  7. Grethe Julianne Skum
  8. Hallgeir Strifeldt
  9. Sara Michell Rirud
  10. Nils Mikkelsen Utsi
  11. Berit Inga Bær Andreassen
  12. Terje Ansgar Eriksen

Presideantaevttohus lea giitevaš luohtámušas, ja illuda miellagiddevaš válgagižžui ovttas eará evttohusaiguin NSRa listtus.

– Lean rámis go ná čeahpes olbmot leat mu mielde válgagižžui! Listtus leat sihke ođđa ja hárjánan politihkárat, sis leat mánggalagan vásáhusat sámi servvodagas ja bargo eallimis. Dáinna veagain oláhat nana, positiva ja respeaktálaš válgagižžu, dadjá Muotka.

Čuvvovažžat Presideanttakándidáhtta mannjel lea Per Johnny Sara nubbin sajis. Sara searva vuohččan Sámedikkeválgii. Son lea planenhoavda Romssa ja Finnmárkku filkkas, ja ovdal bargan earret eará boazodolaohálddáhusas eanandoalodirektorahtas.

– Munnje lea dehálaš oasálasttit ovdánahtimii sámi servvodaga. Lea dehálaš ahte infrastruktuvralaš oassi ii hedjon, muhto baize buoriduvvo. Buorit luottat, hápmanat ja neahttastruktuvra leat mearrideaddjit min boahtteáigái. Seamma lea čalmmustahtin boazodoalu dárbbuide eatnamiidda ja gáhttet boazodoalu guohtuneatnamiid, omardit ahte sámi árbevierut dohkkehuvvojit hálddáhusain leat muhtin mu váibmoáššit, loahpaha Per Johnny Sara.

Goalmmát kandidáhtta Davit válgabires lea Ráisalaš Anja Johnsen Thonhaugen. Thonhaugen, gii lea ásahan ja jođiha sámi bivttasmearkka Mii Leat, lea vuohččan searvan Sámediggái.

– Searvvan válgii nannet ja čalmmustahttit sámi. Sávan šattašii álkit oahppat sámegiela man ihkinas agis, ja čalmmustahttit sámi giela almmolašvuođas, dadjá Thonhaugen.

– Sami gielas galgá lunddolaš sadji almmolašvuođas, ja fertet hutkat eanet sámi filmmaid, podcasttaid, girjjiid ja ráidduid. Danin fertet doarjut ja ráhkadit buriid rámmaeavttuid sápmelaččaide geat áigot hutkat sámiide gávnnadanbáikkiid, ja álggahit sámi ealáhusaid, dadja Anja.

Návuotnalaš Gunn-Anita Jacobsen lea njealjját evttohus listtus, ja son háliida searvat nuppi áigodahki Sámediggái.

– Sámi gilli ja kultuvrii min guovllus lea NSR ja Sámediggi váikkuhan! Mii fertet sihkarastit oahppiide mearrasámi guovlluide doarvai sámegiela oahpahusa, gáhtet ja máhcahit min sámegielárbbi, dadja Jacobsen.

– Munnje lea maid guolásteapmi dehálaš, ja riekti ávkkastallat mearrariggodagain. Guolásteapmi ferte gieđahallot nu ahte lea ávkin guovllu ássiide min rittus, iige ruhtafápmun máddin, loahpaha Gunn-Anita.