NSR gudnebálkkášumi-vuostáváldi dáhttu cealkámuša

Ester Marie Fjellheim, gii gieskat oaččui NSR-riikačoahkkimis 2021 gudnebálkkašumi, lea sámi áirras Davvi Dearvvašvuođa regionálalaš geavaheddjiid lávdegottis. Dál son dáhttu cealkámuša NSRas ja sámeservviin.

Kategori
NSR
Forfatter
NSR
Dato
19.02.2021
NSR

NSR gudnebálkkášumi-vuostáváldi dáhttu cealkámuša

Ester Marie Fjellheim, gii gieskat oaččui NSR-riikačoahkkimis 2021 gudnebálkkašumi, lea sámi áirras Davvi Dearvvašvuođa regionálalaš geavaheddjiid lávdegottis. Dál son dáhttu cealkámuša NSRas ja sámeservviin.

Iežas giittos sártnis NSR riikačoahkkimis válddii ovdán iežas barggu geavaheddjiid lávdegottis , ja ávžžuhii NSR buktit cealkámuša maid son gálgá ovddidit lávdegottis.

– Sávan cealkámušaid sámeservviin das mo lea leat sámepasieantan ovdamearkka dihte buohcceviesuin. Ja erenoamážit mo dat berre leat, dadjá gudnemiellahttu Ester Fjellheim ieš.

Geavaheaddjiváikkuheapmi lea dehálaš mo sámepasieantat vásihit gulahallama dearvvašvuođadilálašvuođain. Dát lea dehálaš gulahallangaskaoapmi olahan dihte seammaárvosaš ja heivehuvvon dearvvašvuođafálaldaga sámi geavaheddjiide, mat leat dehálaš vuođđojurdagat NSR dearvvašvuođapolitihkas.

Ester Fjellheim lea nammaduvvon geavaheddjiid lávdegoddái, lea NSR evttohan válljejuvvot Sámedikki vuorrasiidlávdegoddái. Son ii leat dušše sámi vuorrasiid ovddasteaddji muhto háliida maid ovddidit sámi pasieanttaid áššiid.

NSR-jođiheaddji Runar Myrnes Balto ávžžuha NSR báikkálašservviid ja miellahtuid.

– Mii sávvat olu buriid cealkámušaid maid sáhttit viidáset gaskkustit Esterii. Ná sáhttit buohkat gudnejahttit Estera veahkehemiin. Dás lea sáhka dehálaš váttisvuođačuolmmain, dadjá NSR-jođiheaddji.

Mannan vahkos lei stuorra mediačalmmusteapmi go Máret Laila Anti lei eddon iežas váhnemiid bealis geat eaba ožžon tulkka Girkonjárgga buohcceviesus. Dát lea ovdamearkan áššiin mat leat relevánta geavaheaddjilávdegoddái.

Loga maid NSR sámediggeáirasa ja parlamentáralaš NSR sámediggejoavkku nubbijođiheaddjikronihka áššis.

Don sáhtát veahkehit Ester Fjellheima bargguin regionálalaš geavaheddjiid Davvi Dearvvašvuođas go sáddet cealkámuša NSRii nsr@nsr.no ovdal beassážiid.