Sámediggeráđi 2021 bušeahtta evttohusas, lea evttohuvvon 1.623.00 lassáneapmi Sámi Našunálateáhter Beaivvážii. 600.000 juolluduvvo nannet rekruterema ođđa nuorra neavttáriid. Maren Benedicte Nystad Storslett lea duhtavaš evttohusain. Son lea NSR-N jođiheaddji, mii lea NSR nuoraidlávdegoddi, ja lea ieš Guovdageainnus eret gos Beaivváš lea ásahuvvon ja lea dehálaš oassi servodagas.
NSR-N jođiheaddji duhtavaš ruhttálassaneamiin Beaivvážii
Kategori
NSR NuoratDato
11.11.2020
NSR Nuorat
NSR-N jođiheaddji duhtavaš ruhttálassaneamiin Beaivvážii
– Beaivváš lea dehálaš, ii dušše Guovdageaidnu, muhto Sápmái nai. Lei illu beaivi go diehtu bođii ahte viimmat šaddá ođđa teáhtervisti, ja illudan dan beaivái go gárvána ja mii beassat doppe fitnat, dadjá Nystad Storslett.
Soaitimis šaddá ođđa neavttáriiguin, jus lihkostuvvon, rekruteren maid Sámediggi dál vuoruha doarjut. NSR-N jođiheaddji lea ilus gal dál vuoruhuvvo rekruteret nuorra neavttáriid.
Beaivváš lea dehálaš, ii dušše Guovdageaidnu, muhto Sápmái nai.
– Dat lea buorre go dál vuoruhuvvo nuorra neavttáriid olahit. Lea buorre ahte NSR dal váldá ovddasvástádusa Sámedikkis ja ráđđi dál vuoruha nannet teáhtera vejolašvuođaid ovdánit. Ođđa visttiin, ja ođđa nuorra neavttáriiguin geat leat gergosat ovdánahttit teáhtera boahtteáiggis, loahpaha Maren Benedicte Nystad Storslett.