NSR ohcá ođđa joavkoráđđeaddi

Norgga Sámiid Riikkasearvi (NSR) ohcá ođđa joavkoráđđeaddi 50% virgái NSR Sámediggejovkui. Virgi heive olbmuide geain stuorra beroštupmi sámepolitihkkii ja sámi servodathuksemii muđui, ja guhte dáhttu doarjut NSR´a politihka ja áigumušaid.

Kategori
Forfatter
NSR
Dato
28.06.2023

NSR ohcá ođđa joavkoráđđeaddi

Norgga Sámiid Riikkasearvi (NSR) ohcá ođđa joavkoráđđeaddi 50% virgái NSR Sámediggejovkui.

Virgi heive olbmuide geain stuorra beroštupmi sámepolitihkkii ja sámi servodathuksemii muđui, ja guhte dáhttu doarjut NSR´a politihka ja áigumušaid.

Ráđđeaddi bargá ovttas parlamentáralaš jođihangottiin ja sus lea čállidoaibma sidjiide. Váldobarggut lea doarjut Sámediggejoavkku siskkáldas gelbbolašvuođaloktema, doaimmahit sihke preassadieđuid ja neahttaáššiid, ja muđui čuovvulit sosiála mediaid ja veahkkin lágidit čoahkkimiid. 

Barggus lea johttin ja joavko-, lávdegodde- ja dievasčoahkkimiid oktavuođas sáhttá leat olu bargu. 

NSR Sámediggejoavkku ohcá ráđđeaddi mas lea vuođđoáddejupmi sámepolitihkalaš áššiin ja dáhttu háhkat dárbbašlaš dieđuid. Ráđđeaddi ferte bures čállit. Ohccit geat máhttet čielgasit buktit ovdan politihkalaš sisdoalu almmolašvuhtii vuoruhuvvojit. Sámegielgelbbolašvuohta lea ovdamunni. 

Bálká šiehtaduvvo ohccin ja virgi bistá Sámedikki válgaáigodaga, čakčamánu 2025 rádjai. NSR´as leat kantuvrrat Guovdageainnus ja Kárášjogas, muhto lea vejolaš gávdnat eará čovdosiid dása. 

Sádde ohcama oktan CV´ain nsr@nsr.no ja kopija beaska@nsr.no ovdal borgemánu 5. beaivvi 2023.

Jus leat gažaldagat de sáhtát daid sáddet parlamentáralaš jođiheaddjái Beaska Niillasii: Tlf 91856318 dahje e-poasta beaska@nsr.no.

Dás sáhtát lohkat eanet NSR Sámediggebargguid birra: https://nsr.no/sme/min-birra/samediggejoavku/