Dån galga ållåsit doarjoduvvat

– Dáppe Hammerfestan ælla miján sámegielfálaldagá skåvlån jalik mánájgárden, ja miján ij le ga sierra æjvvalimsadje. Dát hárrá mijáv gå galggap máhtsadit sáme identitiehtav ja kultuvrav, javllá Hanne Marion Gaup guhti le goalmát kandidáhtta Nuortaguovllu válgabiirin.

Hammerfæssta ij la aktu dan dilen. Dárojduhttempolitihkka le sivvan gå viehka ållusijda sámijs nuorttat oarjás ij le makkirak fálaldahka bájkálasj sebrudagájn. Dá li ássje ma vierttiji «åbddiduvvat» dutkama milta.

Amalie Hansen Kristiansen Raste le Sálliris Råmsån ja le 22 jage vuoras ja le goalmát kandidáhtta Gáisi válggabijras. Sån le muhtem dat nuorap buolvas mij le åmastime merrasáme mihásvuodav.

– Mån ratjáv vaj merrasáme nuorajda gudi li viggamin sáme sebrudahkaj, galggá liehket sebrudahtte birás mij sijáv ållåsit doarjju. Mån oassálastáv válgajda NSR:a åvdås danen gå sidáv vaj divna gudi sihti åmastit identitiehtav, gielav jali kultuvrav galggi oadtjot dårjav dasi, javllá Raste.

NSR:a mielas bierri Sámedigge válldet åvdåsvásstádusáv.

Dan diehti lip álggám dahkat bájkálasj plánajt divna válggabijrijda. Sámedigge sihtá ásadit ienep æjvvalimsajijt, giellaguovdátjijt ja kulturinstitusjåvnåjt dárojduhtedum guovlojda. Ájnas tjåvda le huoman oajválattjaj háldon.

– Sáme bierriji máhttet buktet gájbbádusájt stáhttaj ja suohkanij vájku gånnå årru. Binnemus gájbbádus le mánájda oadtjot máhttelisvuodav bessat sáme mánájgárddáj, ja sámegielåhpadussaj skåvlån. Dát maŋemus le lága baktu mierredum, ja ij le rat jáhkedahtte jut nav ålos mánájs ælla ájn oadtjum dav máhttelisvuodav, javllá berustalle Hanne Marion Gaup.

Sijdanis Hammerfestan le Gaup iesj åbddimbargov ietjas hállduj válldám, ållåsit. Ållessjattugin åhpaj gáptijt goarrot. Dálla dal ájádallá æjvvalimsajev sijddabájken mij le giella- ja kulturarena, ja duodjedivudagáv gånnå sáme bessi æjvvalit ja aktan duodjuhit.

– Dát le niehko mij máhttá sjaddat almmavuohtan NSR:a politihkajn. NSR:an le guhká histåvrrå ásadit dakkár máhttelisvuodajt, ja dalla dal sihtap oadtjot jåhtuj aj Hammerfestan ja ietjá bájkijn gånnå da fálaldagá e gávnnu, giehttu sån.

Vaj vuorbástuvvat, sihtá NSR aktisattjat barggat suohkanij, fylkaj ja bájkálasj juohkusij ja siebrij.

– Sámedigge ij aktu ájmmuda bájkálasj institusjåvnåjt jådedit. Valla aktan iehtjádij de vuorbástuvvap, javllá Amalie Hansen Kristiansen Raste maŋemussaj.