Romssa sámi searvi lágidii gáhkkoávvodeami ráđđeviesu olggobealde miessemánu 28. b. ávvudan dihte ahte suohkan lei dohkkehan ođđa ovttasbargosoahpamuša. Ollu giitu Romssa suohkanii ja Sámediggái buriid šiehtadallamiid ovddas, ja ollu giitu daidda geat bohte gáfestallat – sihke politihkkarat ja min gávpoga sápmelaččat.
Gáhkuin ávvuda ovttasbargosoahpamuša
Kategori
Romssa sámi searviDato
28.05.2021
Romssa sámi searvi
Gáhkuin ávvuda ovttasbargosoahpamuša
Romssa sámi searvi háliidii ávvudit ahte suohkanstivra miessemánu 26 beaivve stuorra eanetloguin dohkkehii ođđa ovttasbargosoahpamuša Sámedikki ja suohkana gaskkas. Mii lágideimmet johtilit gáhkkoávvudeami ráđđeviesu olggobealde bearjadaga. Leimmet bovden joavkojođiheddjiid, ja lihkus de eatnasat bohte maid, vaikko bovdehus bođii oalle maŋŋit.
Govas leat Runar Myrnes Balto, Øystein Oldervoll, Ann Sissel Enoksen, Barbara Vögele, Helga Marie Bjerke, Pål Julius Skogholt, Mats Hegg Jacobsen ja Jarle Heitmann.
Soahpamušas leat máŋga dehálaš ášši, earret eará sámi mánáidgárdesadjelohpádus, ovttaoaivilvuohta das ahte galgat bargat dahkat Romssa sámegiela hálddašanguovllu stuorragávpotsuohkanin, ja sámi viesu ásaheapmi. Loga eanet soahpamuša birra dás.
Sátnejođiheaddji bođii olggos jugistit gáfe, ja gearggai maiddái ságastit Ester Fjellheimain. Gova olgeš ravddas lea Lene Antonsen, Romssa Sámi Searvvi stivralahttu.
Olgeš govas áđđeviesu ovddabealde leat RSS jođiheaddji Hilde Pedersen, ja Runar Myrnes Balto.