Duodji-LAN golggotmánu 14.–16. b. 2022

Liidneriessun

• válddát mielde silkki mii lea válmmaš riessumii. Unnimusat 4 rulla riessunárppu ivnniin maid leat válljen.
• válddát mielde liinnii mainna leat álgán, ja dárbbašat bagadeami beassat ovddos guvlui. Váldde mielde riessunárppu.
• hárjehalat riessuma. Váldde mielde liidnebihtá mainna sáhtát hárjehallat ja guokte riessunárporulla.

16 diibmosaš kursa Mariann Josefseniin – bearjadaga, lávvordaga ja sotnabeaivve.

Kursadivat 1150 ru. + ávdnasat maid ieš váldá mielde kursii. Oaččut eanet dieđuid go leat dieđihan kursii. 

Goaro gáfeseahka sisttis

Oahpat goarrut árbevirolaš gáfeseahka. Ávnnaspáhkas leat fabrihkkasisti, mas lea buorre kvalitehta, goanstasuotna, áimmit, skoađas ja vliselin.

16 diibmosaš kursa Vilde Guttormseniin – bearjadaga, lávvordaga ja sotnabeaivve.

Kursadivat 1150 ru + ávnnaspáhkka 500 ru.

Datneárppuin hervet

Oahpa mo dátneárppuin hervet. Goarrut čoavddagihpu. Ávnnaspáhkas lea dátneárpu, áimmit, goarrunnállu, árpu, sisti, láđđi, vliselin ja minsttar.

7 diibmosaš kursa Eva Isakseniin – bearjadaga ja lávvordaga, muhto beasat dieđusge leat minguin ovttas olles vahkkoloahpa, jus háliidat, seamma haddái. 🙂

Kursadivat 600 ru + ávnnaspáhkka 100 ru. 

Boađe geargat

Váldde mielde iežat duodjeprošeavtta, leaš dal juoga mainna háliidat geargat dahje ođđa prošeakta – dahje don dušše háliidat duddjot searválaga earáiguin 🙂 Mii veahkehit guhtet guimmiineamet, ja dáidet leat mielde olbmot geat máhttet veahkehit du.

Kursadivat 350 ru – bearjadaga, lávvordaga ja sotnabeaivve. 

Áigi ja báiki

Bearjadaga 14.10 dii. 17:30 – 19:45

Lávvordaga 15.10 dii. 10:00 – 19:45

Sotnabeaivve 16.10 dii. 10:00 – 15:00

Báiki: Kongsbakken vgs, Skolegata 16, Tromsø

Dieđiheapmi

Dieđihat skovvái mii lea dán liŋkka duohken:

https://forms.gle/b5xfe1Mzsn4LPqN59

Dieđihanáigemearri lea golggotmánu 9. b.

Máksu – ja vejolaš vuoládus

Kursadivada fertet máksit ovddalgihtii. Sáhtát máksit Vippsa bokte: 98487 dahje báŋkokontui 4750.1193174.

Romssa Sámi Searvvi miellahtut ožžot kursadivadis 100 ru vuoládusa.

Jus leat miellahttu ja nuorat go 26 jagi boaris, de mávssát dušše bealle kursadivada.

Kursadivat gokčá maiddái gáfe/deaja ja dasa lassin liegga biepmu lávvordaga. Buvttes fal iežat gáfegohpu.

Sávvat dutnje buresboahtima Gonagasdievvái hávskes vahkkolohppii. 🙂

Lágideaddji: Romssa Sámi Searvi ovttas Sámi oahppolihtuin – SOL