Searvva Duodji-LANii njukčamánus

Lágideapmi lea rabas buohkaide, it dárbbaš leat min miellahttu.

Váldde mielde iežat duodjebarggu maid háliidat válbmet dahje divvut – dahje vállje kurssa masa háliidat searvat:

Niibeboagán

16 diibmosaš kursa, mas Ove Stødle lea oahpaheaddji:  bearjadaga, lávvordaga ja sotnabeaivvi.
Kursadivat 1200 ru + ávnnaspáhkka  400 ru.

Gákteminstara ráhkadeapmi

16 diibmosaš kursa mas Jorunn Løkvold lea oahpaheaddji:  bearjadaga, lávvordaga ja sotnabeaivvi.
Oahpat ráhkadit gákteminstara  (Ivgu, Moskvavuotna/Romsa ja Láhppi/Návuonna/Áltá).
Kursadivat 1200 ru.

Datneárpogoarrun

7 diibmosaš kursa mas Eva Isaksen lea oahpaheaddji:  bearjadaga ja lávvordaga.
Oahpat bargovuogi, ja beasat goarrut čoavddagihpu ja giehtabátti.
Ávnnaspáhkas lea datneárpu, áimmit, goarrunnállu, árpu, náhkki, láđđi, vliselin ja minsttar.

Beasat dieđusge leat min searvvis olles vahkkoloahpa, jus háliidat.  🙂
Kursadivat 600 ru + ávnnaspáhkka 100 ru.

OĐAS: Boađe divvut 

Leago du joga maid háliidat divvut dahje buoridit?

Omd. gávtti oanidit/jevdet, heivehit gáktesojiid, ráhkadit ođđa dihpiid boares vuoddagiidda  jnv. Oaččut bagadeami ja praktihkalaš veahki.
Divat lea 350 ru. olles vahkkoloahpa ovddas. 

Boađe geargat 

Váldde mielde iežat duodjebarggu, dahje sáhtát álgit ođđa duodjebargguin – beasat duddjot buori searvvis. 🙂 Mii veahkehit nuppit nuppiid.
Divat lea 350 ru. olles vahkkoloahpa ovddas. 

Áigi ja báiki

Bearjadaga 10.3. dii. 17:30 – 19:45
Lávvordaga 11.3 dii. 10:00 – 19:45
Sotnabeaivve 12.3. dii. 10:00 – 15:00
Báiki: Gonagasdievá/Kongsbakken joatkkaskuvla, Skolegata 16, Tromsø

Dieđiheapmi

dás: https://forms.gle/5eminsybznh4Wv6MA
Sáhtát dieđihit nu guhká go leat sajit.

Máksu – ja vejolaš vuoládus

Kursadivat galgá máksojuvvot ovddalgihtii, juogo Vipps  98487 bokte dahje báŋkokontui 4750.1193174.
Romssa Sámi Searvvi miellahtut ožžot 100 ru vuoládusa.
Jus leat NSR-miellahttu ja nuorat go 26 jagi, de mávssát dušše bealledivada.
Mielde hattis lea gáffe/deadja ja liegga lunša lávvordaga. Buvtte áinnas iežas gohpa.

Mii illudit duodji-LANii! Buresboahtin!