NSR lea válljen ođđa jođiheaddji!

Ođđa jođiheaddji ja riikkastivra

Beatrice Fløystad válljejuvvui NSR ođđa jođiheaddjin. Ođđa riikkastivrras leat:

• Beatrice Fløystad, jođiheaddji

• Vidar Andersen, organisatoralaš nubbijođiheaddji

• Beaska Niillas, politihkalaš nubbijođiheaddji

• Gunn-Anita Jacobsen, stivrralahttu

• Gaebpien Egon, stivrralahttu

• Rita Helmi Toivosdatter Laakso, stivrralahttu

• Ragnhild Enoksen, 1.várrelahttu Gunn-Anita Jacobsenii

• Hallgeir Strifeldt, 2. várrelahttu Gunn Anita Jacobsenii

• Sigbjørn Dunfjel, 1. várrelahttu Gaebpien Egonii

• Astri Dankertsen, 2. várrelahttu Gaebpien Egonii

• Kristin Sara, 1. várrelahttu Rita Helmi Toivosdatter Laaksoi

• Terje Lilleng, 2. várrelahttu Rita Helmo Toivosdatter Laaksoi

Deaddil dása oktavuođadieđuid gávdnat olles riikkastivri.

Gurut rávddas: Beaska Niillas, Beatrice Fløystad, Vidar Andersen.

Sávvá Sápmái dorvvolaš sámi servodagaid

Beatrice bajásšattai Vuopmegeažis lulli-Romssas, Fjell čuoigansearvvi čuoiganláhtuid buohta, ja guovllus gos Márkomeannu lágiduvvo.

– NSR leamaš dehálaš oassi mu eallimis gitta joatkkaskuvlla rájes, dalle go dárbbašin dorvvolaš báikki beassat leat sápmelažžan. NSR dorvvolaš salas de huksejuvvui mu sámi identitehta, muitala easkka válljejuvvon jođiheaddji Beatrice Fløystad.

Beatrice ássá dán áigái ruoŧabeale Sámis, vuolle-Sohpparis ja doppe sus lea irgi ja golbma máná. Son bargá sámegieloahpaheaddjin Skániid Skovllás Dielddanuori suohkanis, sihke gáiddusoahpaheaddjin ja maiddái skuvllas. Son dovdá bures daid hástalusaid maid riikkarájit dagahit sámiide ja mo mii šaddat máŋggaid vuogádagaid hálddašit.

– Lei ovdamearkka dihtii váttis mánáide ja bearrašiidda pandemiija áigge, go dáhtto galledit guđet guimmiideaset. Ja nubbi ovdamearka lea mo sámiin ruoŧabeale rájiid eai leat seammá vejolašvuođat sámegieloahpahussii go norggabeale. Eará olbmot davviguovlluin maid dovdet dáid hástalusaid, go eai beasa oaneheamos luotta vuodjit rittus Guovdageidnui jus lea beana, ja ii astta máhtodálkasiid addit. Dát leat hehttehusat mat dahket min eallimiid eanet eahpeeinnostahtti ja mii dagaha ahte eat álo beasa ovttasbargat nu olu go dáhttut, dadjá Fløystad.

– Jus mis galgá dorvvolaš servodat, de mii dárbbašit ovttasbarggu, einnostahttivuođa ja buori vuođu. NSR`a deháleamos vuođđu leat dorvvolaš ja nanu báikkálaš searvvit, loahpaha Fløystad.