Eat goassige vajálduhte

Logi jagi maŋŋá eai leat vel ge sánit mat govvidivčče daid surgadis dáhpáhusaid ja váikkuhusaid das, go olgešekstrema bahávuohta joavddai ráđđehusviesuide ja AUF:a olles fámuin.

Otne mii muittašit. Morrašiin. Ja suhtuin. Suhtuin go terror sáhtii dáhpáhuvvat. Ja suhtuin dainna mo lea láhttejuvvon AUF:a oaffariiguin, go leamaš soaibmamat ja áitagat maid eat sáhte ba áddet. Go guđđojuvvojedje ieža guoddit politihkalaš ovddasvástádusa doarrut daiguin jurdagiiguin mat šaddadit vaši norgga almmolašvuođas, seammás go vuostejienat leat geahččalan sin cealkit bealálažžan dán digaštallamis.

Mii čuožžilat ovttas AUF:ain ja buot eará searaiguin mat dáistalit vierrásiidvaši ja politihkalaš ekstremismma vuostá, ja mii sávvat ahte dál gávdnojit albma čovdosat vaššicealkámušaid ja rasismma vuosttá almmolašvuođas. Eat goassige vajálduhte.