Nuvttá bileahtat ÆDNAN čájálmassii!

Nuvttá bileahtat ÆDNAN čájálmassii!

Guovdageainnu sámiid searvi ávvuda vuosttaš čájálmasa Beaivváža ođđa vistit – Čoarvemáddagis. Mii fállát nuvttá bileahta min miellahtuide, ÆDNAN čájálmassii skábmamánus.

Ædnan (2024):
Ædnan epos lea guovtti sámi veaga birra ja sin eallinvuorbbi sámi ođđaset historjjá 19:čuođi álggu rájes otnáš áigái. Diktaepos čuovvu dáid guokte sámi joavkku – golmma sohkabuolvva dáhpáhusaid. Vuosttaš áigodat lea 1920- logus, gos geafivuohta, dutkamušat ja sápmelaččaid bággojohtimiid Davvi-Ruoŧas. Nubbe áigodat lea 1950-logus, nomade-skuvllaiguin, Ruoŧa stáda sámiid assimilerejupmi ja koloniseren. Goalmmát áigodat lea ges 2010-loguin go nuorat buolva álgá fas ruovttoluotta váldit iežaset sámi gullevašvuođa ja vuoigatvuođaid. 2016:s stevdnii Girjás čearru Ruoŧa stáda oažžun dihte ruovttoluotta bivdin ja guolástanvuoigatvuođaid iežaset eatnamiidda.

Loga eambbo bihttá birra dás.

Fálaldat GSS miellahtuide

Sáhtát válljet guđe beaivvi háliidat vuolgit geahččat čájálmasa: 2.11/8.11/9.11/15.11/16.11/22.11/23.11/29.11/30.11.

Jus háliidat bileahta, dieđit gss@nsr.no, ja lasit:
– iežat nama
– guđe beaivvi háliidat geahččat čájálmasa

Dieđit maŋemusat beaivvi ovdal čájálmasa. Fertet máksán miellahttuvuođa GSS 2024, vai galgá sáhttit fálaldaga ávkkástallat.

Čájálmasa guossohuvvo biergoruitu dahje vegetáraborramuš. Jus háliida biepmu diŋgot, ferte dieđihit maŋemusat mánnodaga ovdal čájálmas beaivvi. Máksá 175 kr. Dieđit brita.triumf@beaivvas.no jus áiggut biepmu diŋgot.

Beaivváš preassagovva: Jakob Jakobsson.