Sámiálbmobeaivvi ávvudeami oktavuođas lágiida Sámi musihkkafestivála ja Guovdageainnu sámiid searvi retro sámefeastta Báktehárjjis Guovdageainnus lávvordaga 4.2.2023.
Doalut galget leat dego ovdalaš sámefeasttat lávejedje. Feasttas guossohuvvo málesbiergu oktan ađđámiiguin, njuokčamiiguin ja eará herskuiguin. Eahkes šaddá dánsa ja konsearta Ivnniiguin joavkkuin.
Doalut galget boktit nostalgiija ja retrodovdu, ja danne sávvat ahte olbmot cogget retrogávttiid, Guovdageainnu sámiid searvi vuorbáda ruhtavuoitu sin gaskkas geat dan dahket. Beassat maiddái gullat Guovdageainnu gáktehistorjjá birra ja árbevirolaš luođi.
Haddi: Olles eahkedii 650,-/ Konsertii 400,-
Ahkemearri 18 jagi
Bileahtat: https://samieasterfestival.hoopla.no/sales/event/retrofeasta
Uvssat (olles eahkedii) rahpasit dii: 19:00.
Uvssat konsertii rahpasit dii: 22:00.
Guovdageainnu suohkan lea dorjon lágideami.