Dáppe gávnnat dieđuid ja NSR válgaprográmma Davveguovllu válgabiires. Válgabiires leat Davvenjárgga ja Muosát gielddat, Hámmerfeasta, Álttá, Ákŋoluovtta, Láhpi, Skiervvá, Návuona ja Ráissa suohkanat Romssa ja Finnmárkku fylkkain.
Davveguovllu válgabiire
Davveguovllu válgabiire
- Oahpásmuva presideantaevttohasain Silje Karine Muotka
- Válgamagasiidna (leaŋka boahtá)
- Dušše sii geat eai leat ruovttus válgabeaivvi fertejit ovddalgihtii jienastit (gaskkal borgemánu 11. beaivvi ja čakčamánu 5. beaivvi)
NSR Davveguovllu válgabiires háliida bargat dáid áššiid ovddas:
- Sámi giella, kulturmáhttu ja duodji galgá leat lunddolaš oassi mii lea oidnosis davviguovllu válgabiirres, sihke mánáidgárddiin, skuvllain ja vuorrasiiddivššus. Galget ásahuvvot eanet sámi giellaguovddážat ja giellakonsuleanttat, main doarvái resurssat olles válgabiirre bálvalit.
- Mii háliidit fuolahit ja gaskkustit duodjeárbevieruid olles válgabiirres. Sámi gávnnadanbáikkiid, ásahusaid, museaid ja kulturviesuid ferte nannet, vai ealli árbevierut ja boahtteáiggi gaskkusteapmi nannejuvvojit. Dát mearkkaša ahte ferte rahčat Verddeguovddáža Návuonas, Sámi guovddáža Láhpis ja Sámi viesuid ovddas sihke Álttás ja Hámmerfesttas.
- Mii dadjat čielgasit II bieggafápmui olles Sámis. Boazodoalo- ja mearrasámi guovllut galget suodjaluvvot sisabahkkemiin.
- II ruvkedoaimmaid mat bilidit luonddu ja kultuvrra, leš dal nannámis vai mearas. Mii dáhttut sihkkarastit vuotnaguolásteami, boazodoalu, smávvaskálá ealáhusaid, lotnolasealáhusaid ja doarjaga guollevuostáiváldimii, reidema ja ceavzilis luondduin ávkkástallama sámi árbevieruid vuođul. Mii eat dáhto eanet luossabiepmahagaid dahje vahágahtti mearradoalu, dego stárrašaddadeami dahje dorskebiebmama.
- Ii fal Nussir!
- Várjal Rákšavuona
- Govttolaš resursahálddašeami. Mii háliidit smávvafatnasiid fas vuonaide. Ráddjet man guhkás feastonuohttefatnasat besset vuonaide, dát maid lea sihkkarvuođaášši šárkkaide. Sámi eanadoallu, meahcásteapmi ja guolástanboandda birgejupmi galgá nannejuvvot, sihke doarjjaortnegiid ja politihka bokte mii atná luonddu ja árbevieruideamet árvvus. Turistabivddu ferte ráddjet vai šaddá suvdinnávccalažžan.
- Fátmmasteaddji Sámi! Mii bargat dásseárvvu ovdii, beroškeahttá sohkabealis, sojus, sohkabealledovddaheamis dahje doaibmavariašuvnnas.
- Nannet sámiid vuoigatvuođaid. Mii bargat čohkkejeaddji sámepolitihka ovdii mii sihkkarastá ahte sámiid vuoigatvuođat, kultuvra ja árbevierut vuhtii váldojuvvojit dearvvašvuođabálvalusain, oahpahusas ja servodateallimis.
- Dearvvašvuođabálvalusat. Mii bargat nannemis dearvvašvuođabálvalusaid min guovllus, ja erenoamážit buohcceviesu ásahemiin Áltái. Psykiátralaš jándordivššu olles válgabiirres galgá sihkkarastojuvvot ja nannejuvvot. Bisut DPS Hánssagiettis.
- II fal ruonádin málet Muolkkuid! Mii EAT dáhto luonddu bilidit dálkkádatsymbolapolitihka namas. Ii fal elektrifiserema.
Sáhttá jienastit čakčamánu 08. beaivvi:
- Áltá / Alta
- Ákŋoluokta / Hasvik
- Davvenjárga / Nordkapp
- Hámmerfeasta / Hammerfest
- Láhpi / Loppa
- Návuona / Kvænangen
- Muosát / Måsøy
- Ráissá / Nordreisa
- Skiervá / Skjervøy
Ferte ovdalgihtii jienastit:
Sii geat eai leat ruovttus válgabeaivvi čakčamánu 8. beaivvi fertejit ovdalgihtii jienastit gaskkal borgemánu 11. beaivvi ja čakčamánu 5. beaivvi.