Nuorttaguovllu válgabiire

• Válgamagasiidna (leaŋka boahtá)
• Geahča min evttohasaid Nuortaguovllu válgabiires dás

NSR Nuortaguovllu válgabiires háliida bargat dáid áššiid ovddas:

• Ovddidit sámi girjáivuođa, ja fátmmastit buohkaid beroškeahttá gielas, kultuvrras ja identitehtas. Joatkkit ásahit oadjebas, girjás ja buriid sámi deaivvadanbáikkiid.
• Luondduduohtadeamit mat čuhcet elliide, lottiide ja olbmuide negatiivvalaččat eai galgga álggahuvvot, nugo ođđa ruvkkiid. Orostahttit ođđa bieggamilloprošeavttaid ja 420 kV elfápmolinnjá.
• Gáhttet boazodoalu ekonomalaš, ekologalaš ja guoddevaš ealáhussan, go lea dehálaš oassin sámekultuvrras. Doarjut guohtuneatnamiid várjalemiid. Doarjut guovllu giliid ja boazodoalu ovddidit sin vuoigatvuođagáibádusaid; ekonomalaš doarjjaortnegiid ferte nannet.
• Heivehit eanadoallodoarjagiid min guvlui, mat maiddái dorjot nuoraid ja nissoniid. Nannet vejolašvuođa buvttadit ja vuovdit báikkálaš biebmogálvvuid.
• Báikkálaččain ja báikegottiid olbmuin lea vuosttašriekti luondduávkkástallamii. Mohtorjohtolatláhka ferte heivehuvvot vai meahcásteapmi seailluhuvvo.
• Mearrasámi ja riddoássiid guolástanrievttit vuonas dohkkehuvvojit. Guollebiepmahagat vuonain eai galgga hehttet bivdo- ja gođđanbáikkiid; ođđa biepmahagat galget leat giddejuvvon. Mearraluossabivdu galgá joatkašuvvat boahtteáiggis, seailluhan dihtii mearra- ja nuortasámikultuvrra ja hálddašeapmi sirdojuvvo Sámediggái.
• Geahpidit predáhtor- ja boraspiriid garrasit.

• Deanu vuoigatvuođaguoddit goappaš bealde rájáid galget ieža ja ovttas hálddašit luossabivddu. Vuoigatvuođalaččaiguin galgá ovdamunni bivdui.
• Lasihit resurssaid ja loktet gelbbolašvuođa skuvllain, mánáidgárddiin ja eará ásahusain. Ovddidit Deanu sámeskuvlla stáhtaruhtaduvvon resursaskuvlan min válgabiirres. Ásahit sámi giellaguovddážiid Čáhcesullui ja Mátta-Várjjagii.
• Lasihit sámegielhálliid guovllu dearvvašvuođa- ja fuolahusinstitušuvnnain. Vuorasolbmuid politihkka ferte hábmejuvvot ovttas vuorasolbmuidráđiin
• Čielga áŋgiruššan nannet nuortasámi giela, kultuvrra ja historjjá revitaliseremii, ja nannet ovttasbarggu riikkarájáid rastá
• Nannet ruhtadeami Deanu museai, Savio museai, À`vv Saa`m Mu`zei, Várjjat sámi museai ja Ceavccageađgái. Sámi kulturmuittuid ja bassibáikkiid ferte lága bokte suodjalit.

Sáhttá jienastit Čakčamánu 8. beaivvi

• Báhcavuotna / Båtsfjord

• Deatnu / Tana

• Gáŋgaviika / Gamvik

• Davvisiida / Lebesby

• Mátta-Várjjat / Sør-Varanger

• Unjárga / Nesseby

• Várggát / Vardø

• Čáhcesuollu / Vadsø

Fertejit ovdalgihtii jienastit

• Bearralvággi / Berlevåg

Sii geat eai leat ruovttus válgabeaivvi čakčamánu 8. beaivvi fertejit ovdalgihtii jienastit gaskkal borgemánu 11. beaivvi ja čakčamánu 5. beaivvi.