Duđavaš doarjagiin Sámi Girjjálašvuođaguovddážii

Saia Marilena Stueng, Norgga Sámiid Riikkasearvvi nubbi jođiheaddji, lea hui duhtavaš ahte árvaluvvo doarjja Sámi girjjálašvuođaguovddážii Kárášjohkii dán jagi Sámediggebušeahtas.

Kategori
NSR
Forfatter
NSR
Dato
30.11.2020
NSR

Duđavaš doarjagiin Sámi Girjjálašvuođaguovddážii

– Girjjálašvuođaguovddáš lea dehálaš girjjálašvuođagaskkusteaddji, ja mu mielas lea hui buorre go dál ožžot njuolggodoarjaga Sámedikkis, dadjá Stueng guhte ieš lea Kárášjogas eret.

Girjjálašvuođaguovddáš doaimmaha earet eará girjegávppi Gávpi Kárášjogas. Sámediggeráđđi evttoha dán jagi 300 000 ruvnnu njuolggodoarjaga girjjálašvuođaguovddážii.

– Gávpi lea hui buorre girjegávpi mii čohkke sámi girjjálašvuođa. Eai leat galle báikki gos beassá vásihit girjegávppi man máŋga sámi lágádusa leat deavdán sámi mánáidgirjjiiguin, románaiguin ja fágagirjjálašvuođain, dadjá Stueng, guhte ieš lea girječálli.

Girjegávppálaččat ja gaskkusteaddjit nu mo Girjjálašvuođaguovddáš leat dehálaččat sihke sámi girječálliide ja lágádusaide, ja dasa ahte nu ollusat go vejolaš besset lohkat sámi girjjiid.

Lassin Gávpi girjegávpái de doaimmaha Girjjálašvuođaguovddáš maiddái girjjálašvuođa- ja kulturgaskkusteami, ja girjjálašvuođaguovddáš doallá lágidemiid sihke Kárášjogas ja eará báikkiin.

– Girjjálašvuođaguovddáš ii leat dušše Kárášjogas girjjálašvuođa- ja kulturgaskkusteaddji, muhto olles Sápmái. Ieš lean iežan mastera oktavuođas logaldallan Gávppis sámi ráppa politihka birra, muitala Stueng.

Stueng oaivvilda ahte doarjja mii dál boahtá Sámediggebušeahta bokte lea buorre girjjálašvuođa- ja kulturpolitihkka NSR bealis.

– Lea dehálaš mii doarjut sámi girjjálašvuođa sihke buvttadeami ja gaskkusteami . Girjegávppálaččat ja gaskkusteaddjit nu mo Girjjálašvuođaguovddáš leat dehálaččat sihke sámi girječálliide ja lágádusaide, ja dasa ahte nu ollusat go vejolaš besset lohkat sámi girjjiid, loahpa Saia.