Searvva Duodjie-LANii njukčamánu 20.-22. b. 2026

Duodje-LAN lea rabas buohkaide, ja it dárbbaš leat miellahttu vai searvat. Dán háve mii fállat čuovvovaš kurssaid:

Sáččá-gákti

Oahpa minstara ráhkadit ja goarrut Sáččá-gávtti oahpaheaddjis Tone Elvebakk ja veahkkeoahpaheaddjis Hilde Pedersen.

Fuomáš ahte dát kursa bistá guokte vahkkoloahpa! Kursa álggahuvvo guovvamánu 27. – njukčamánu 1. beivviid ja loahpahuvvo Duodje-LAN vahkkoloahpa njukčamánu 20.-22. beivviid.

Kursa bistá 34 diimmu – bearjadaga, lávvordaga ja sotnabeaivvi.

Kursadiva 2600 ru. Ávdnasiid tiŋgo juohke okta ieš vuosttas kursavahkkoloahpa maŋŋá (oaččut bagadeami).

Kursaáiggit:

Bearjadaga 27.2: 16:30-19:45

Lávvordaga 28.2: 10:00-19:45

Sotnabeaivvi 29.2: 10:00-15:00

Bearjadaga 20.3: 16:30-19:45

Lávvordaga 21.3: 10:00-19:45

Sotnabeaivvi 22.3: 10:00-15:00

Fuomáš ahte gáktekursa álgá diimmu árabut bearjadagaid. Mii guossuhat lunša guktuid lávvordagaid.

Sistelávka

Elle Varsi oahpaha sistelávkka goarrut.
Kursa bistá 16 diimmu – bearjadaga, lávvordaga ja sotnabeaivvi.
Kursadiva lea 1300 ru. Ávdnaspáhka fabrihkkasistiin sáhtát oastit njuolga oahpaheaddjis, ja dat máksá 2000 ru.

Boađe geargat – Bli med, bli ferdig

Máŋgasis mis leat álggahuvvon duojit ruovttus maid eat oru goassige nagodeamin gárvet. Buvtte iežat prošeavtta Duodje-LANii ja oaččo inspirašuvnna ja inddu geargat. Duodjebagadalli Jorunn Løkvold boahtá leat sajis, ja dasa lassin sáhttet oasseváldit veahkehit nubbi nuppi.

Oassálastindiva 400 ru olles vahkkoloahpa ovddas.

Áigi ja báiki

Bearjadaga skábmamánu 7. b. dii. 17:30 – 19:45
Lávvardaga skábmamánu 8. b. dii. 10:00 – 19:45
Sotnabeaivvi skábmamánu 9. b. dii. 10:00 – 15:00
Báiki: Kongsbakken joatkkaskuvla, Skolegata 16, Romsa.

Dieđiheapmi

Lea ráddjejuvvon báiki kurssaide – son gii vuosttasin dieđiha oažžu saji.
Dieđit dás: Dieđihanskovvi
Dieđiheapmi čatná – leat easkka dieđihuvvon go leat máksán.

Máksin – ja vejolaš vuoládus

Kursadiva ja vejolaš ávnnaspáhkka galgá máksot ovddalgihtii. Sáhtát máksit Vippsa bokte dahje min báŋkokontoi.

Romssa Sámi Searvvi miellahtut ožžot 100 ru vuoládusa kursadivvagis.

Jus leat NSR-miellahtu ja vuollel 26 jagi, de mávssat bealle kursadivvaga.

Káffe/teadja ja liegga lunša lávvordaga gullá haddái. Buvtte áinnas iežat káffekohpa.

Mii illudit duddjot dinguin fárrolaga Duodje-LAN:s.
Bures boahtin!

Duodje-LAN lágida Romssa Sámi Searvi ovttasbarggus Sámi Oahppolihttuin – SOL ja Duodjeinstituhtain.