Gulahallanráđđeaddi (50% virgi) NSR sámediggejoavkui

Don beasat ovttasbargat parlamentáralaš jođihangottiin ja leat mielde gaskkusteamen politihkalaš barggu dakkár vugiin mii beroštahttá olbmuid. Mii ohcat bargi gii liiko gaskkustit, háhkat visuála sisdoalu ja gii ádde mo sosiála mediaid ja neahttasiidduid sáhttá geavahit strategalaččat olahit bohtosiid.

Gaskaboddosaš virgi dan válgaáigodag lohppii ( olggosgolggotmánu 2029)

Barggut

• Plánet ja buvttadit sisdoalu sosiála mediaide ja neahttasiidduide
• Čuovvolit almmuhanplánaid ja kampánjjaid
• Váldit govaid, doaimmahit oanehis videoid ja čállit teavsttaid mat deivet olahusjovkui
• Veahkehit ráhkadit ja ovddidit strategiijaid gulahallama ja profiilla ektui
• Doarjut parlamentáralaš jođihangoddi go lea dárbu diehtojuohkin- ja mediabargui

Gelbbolašvuohta

• Relevánta oahppu dahje vásáhus gulahallamis, journalistihkas, márkanfievrredeamis dahje sosiála mediain
• Buorre čálalaš ja visuálalaš gaskkustanattáldat
• Oadjebas geavahit sosiála mediaid ja digitála reaidduid
• Govva- ja videoredigerenhárjáneapmi lea ovdamunnin
• Buorre jus dovdat sámi servodaga ja politihka, muhto ii leat gáibádus

Persovnnalaš iešvuođat

• Kreatiivvalaš, iešheanalaš ja ealljár
• Struktuvrralaš ja nagodat čuovvolahttet máŋga barggu oktanaga
• Liikot ovddasbargat ja leat geabbil
• Loavttát politihkalaš birrasis gos áigi hurga

Mii fállat

• Máškidis 50% virgi stuorra friddjavuođa bargoáigi ja bargosaji ektui
• Gelddolaš ja mearkkašahtti bargu sámi politihka guovddážis
• Mátkkošteapmi lea vuorddehahtti Sámedikki lávdegodde- ja dievasčoahkkinvahkkuid oktavuođas (7 vahku jahkái). Mátkkit máksojuvvojit stáhta máksomeriid mielde.
• Mobiila- ja interneahttagolut gokčojuvvojit. Dárbbašlaš bargoneavvuid šiehtadit individuálalaččat.
• Álggaheapmi šiehtadusa mielde
• Bálká šiehtadusa mielde

Ohcan

Sáddes oanehis ohcama ja CV:a dása: anne.nilut@nsr.no nu jođánit go vejolaš ja maŋimusat skábmamánu 30. b. 2025.