Searvva ustitválgagižžui – ovttas vuoitit sámediggeválggaid

Mii lea ustitválgagižžu?

Dat lea álki – ja hui doaibmil. Ustibat, bearaš ja bargoustibat luhttet dunnje. Go muitalat manne jienastat NSR:a, sii guldalit. Earenoamážit jus don ásat dakkár báikkis gos leat unnán olbmot čálihuvvon jienastuslohkui, de sáhttá du persovnnalaš jietna leat mearrideaddjin.

Mot ságastit NSR birra oahppásiiguin?

• Geavat iežat beroštumiid – dat váikkuha! Muital mii dagaha ahte don jienastat NSR:
• Lei go Fosen-dáistaleapmi mii movttidahtii?
• Leago sámegieloahpahus du mánáide?
• Vuoi ruvkedoaimmaid vuostálastin Riehpovuonas dahje Raarvihkes?
• Jeara gažaldagaid: Leatgo ovttaoaivilat dunnje áššiiguin?

• Dárbbašat go eanet ákkaid? Geahča NSR válgaprográmma 2025-2029.

Gos don sáhtát singuin háleštit?

• Sosiála oktavuođain: Váldde ovdan áigeguovdilis ášši dahje du váibmoášši.
• Maŋŋá digaštallama: Háleš olbmuiguin ja muital manne doarjjut NSR evttohasa.
• Sosiála mediain: Juoge iežat jurdagiid ja muitalusaid. Persovnnalaš diehtu sáhttá dahkat hirbmat stuora erohusa.
• Kommentáraid vuolde: Oainnát go muhttima liikome muhtin postaid? Sáddes sidjiide dieđu – soaitá ahte sii servet válgagižžui.

Eará álkkes, muhto deaŧalaš doarjja

• Čuovo ja juoge NSR áššiid ja postaid.
• Liiko ja kommentere postaid veahkehandihte algoritmaid gilvit postaid.
• Geavat gova man mii leat ráhkadan Facebookii ovdasiidogovvan – čájet ahte don searvvat válgagižžui. Don sáhtát viežžat gova facebookii dás. (Gáiddus leaŋka min Dropboxii)

Juohke ságastallan veahkeha. Juohke čálus lea veahkkin. Juohke áŋgiruššan veahkeha.

Ovttas mii sihkkarastit ahte NSR vuoitá válggaid – giela, eatnamiid ja min boahtteáiggi ovddas.