Dáppe gávnnat dieđuid ja NSR válgaprográmma Gáiseguovllu válgabiires. Válgabiires leat Gáivuona, Omasvuona, Ivgu, Gálssa, Romssa, Báhccavuona, Málatvuomi, Beardu, Sáččá, Ránáidsullo ja Ráisavuona suohkanat.
Gáiseguovllu válgabiire
Gáiseguovllu válgabiire
- Válgamagasiidna (leaŋka boahtá)
- Dušše sii geat eai leat ruovttus válgabeaivvi fertejit ovddalgihtii jienastit (gaskkal borgemánu 11. beaivvi ja čakčamánu 5. beaivvi)
- Geahča min evttohasaid Gáiseguovllu válgabiires dás
NSR Gáiseguovllu válgabiires háliida bargat dáid áššiid ovddas:
- Buohkat galget dovdat iežaset oassin sámi girjáivuođas, beroškeahttá identitehta, gielalaš ja kultuvrralaš vuolggasajis.
- Buot sápmelaččat geat háliidit dan galget oažžut vejolašvuođa váldit ruovttoluotta giela, kultuvrra ja gávtti duodjebájiid ja giellakurssaid bokte.
- Nannet buot sápmelaččaid vuoigatvuođaid ja várjalit luonddu – sihke vuona ja vári – sisabahkkemiid vuostá, dego guollebiebmanrusttegiid ja bieggafápmohuksema.
- Buori sámi skuvlla mii áimmahuššá árbevirolaš sámi máhttu ja giela, ja buoridit sámegieloahpaheddjiid rekrutterema.
- Duohtavuođa- ja soabadankommišuvnna raportta čuovvuleapmi báikkálaččat ja duohtavuohta- ja soabadanguovddáš Gáissis.
- Ođđa sámi giellaarenat, deaivvadanbáikkit ja ásahusat doppe gos odne váilot fálaldagat.
- Sihkkarastit guohtunealáhusaid birgema ja buori boraspirepolitihka.
- Vuoiggalaččat juohkit guoli dan láhkai ahte mearrasámi servvodagat ovdánit.
- Sihkkarastit ahte nuorat álkit ožžot vejolašvuođaid guolástusain.
- Sáččá riddoguolástuseari doaibmaguvlui ja “STN”.
- Kártet ja dohkkehit sámiid vuoigatvuođaid eatnamiidda ja čáziide Romssas ja máttás.
- Čalmmustahttit dáruiduhttima, sámi historjjá ja servvodaga Gáiseguovllus kulturmuittuid, báikenamaid ja muitalusaid bokte.
- Eanet suohkaniid sámi giellahálddašanguvlui.
- Ivgu ja Gaska-Romssa giellaguovddážiidda fásta ruhtadeapmi, ja giellaguovddášfálaldaga Sáččás.
- Buori sámi ealáhuspolitihka olles Gáiseguovllus, mii vuhtiiváldá sihke árbevieruid ja hutkáivuođa.
- Astoáiggefálaldagat nuoraide masa sámi kultuvra lea vuođđun.
- Sámi bajásšaddanguovddáš Romssas.
- Oadjebas servvodat buohkaide, ja nannet barggu sámevaši vuostá.
- Ceavzilis ja vásttolaš mátkeealáhus mii vuhtiiváldá báikki olbmuid, luonddu ja sámi kultuvrra.
- Nannet boazodoalu areálasuddjema.
- Nannet sámi giliid eanadoalu, meahcásteami ja boazodoalu ovdánahttima bokte, ja NSR ruovttoluottafárrenplána čađaheami bokte.
Sáhttá jienastit čakčamánu 08. beaivvi:
- Báhccavuona / Balsfjord
- Beardu / Bardu
- Gáivuotna / Kåfjord
- Gálssa / Karlsøy
- Ivgu / Lyngen
- Málatvuomi / Målselv
- Omasvuona / Storfjord
- Ránáidsuolu / Tranøy
- Ráisavuona / Sørreisa
- Romsa / Tromsø
- Sáččá / Senja
Ferte ovdalgihtii jienastit:
Sii geat eai leat ruovttus válgabeaivvi čakčamánu 8. beaivvi fertejit ovdalgihtii jienastit gaskkal borgemánu 11. beaivvi ja čakčamánu 5. beaivvi.