Norgga Sámiid Riikkasearvvis (NSR) lea leamaš nominašuvdnačoahkkin Davviguovllu válgabiires, ja mii leat rámis go beassat ovdanbuktit nana ja girjás listtu ovdal čavčča sámediggeválggaid. Presideantaevttohas Silje Karine Muotka, Marit Mikkelsdatter Kemi, Hanne Marion Gaup ja Tor Bjørnar Henriksen leat njunnošis listtus.
NSR evttohasat Davveguovllu válgabiires – nana gealbu, hárjáneapmi ja áŋgiruššan
Kategori
Dato
28.03.2025NSR evttohasat Davveguovllu válgabiires – nana gealbu, hárjáneapmi ja áŋgiruššan
– Mun lean nu hirbmat čeavlái appelaččaiguin ja dainna deattuin maid min čeahpes listaevttohasat čájehedje midjiide nomminašuvdnačoahkkimis. Buot kandidáhtat min listtus livčče sáhttit leat vuosttaševttohasat, ja mii leat hirbmat duhtavaččat dainna joavkkuin maid mii leat čohkken, dadjá válgabiirre stivrajođiheaddji Per Johnny Sara.
Listtunjunuš Silje Karine Muotka válljejuvvui nuppes presideantaevttohassan NSR:a riikačoahkkimis skábmamánus. Son lea guhkes áiggi bargan sámepolitihkain ja lea ollásit bargan sámi servodaga ovddas, ja lea gearggus jođihit NSR barggu viidásit.
– Midjiide Davviguovllu válgabiires lea Muolkkuid ášši okta dain deaháleamos áššiin. Mii diehtit ahte álbmot bealušta min, eatge áiggo vuollánit, dadjá Muotka.
Nubbinevttohas lea Marit Mikkelsdatter Kemi, áŋgiris jurista gii earret eará lea rahčan sámi mánáid vuoigatvuođaid ovddas ja sámevaši vuostá. Goalmmádin lea Hanne Marion Gaup, geas lea guhkes hárjáneapmi mearrasámi kultuvrras ja duojis, gii háliida buoret deaivvadanbáikkiid ja nannet oahpahusa sámegielas ja sámegillii.
Njealjádin lea Tor Bjørnar Henriksen, hui čielga jietna mearrasámiid vuoigatvuođaid bealis ja hárjánan servodatdigaštalli. Viđát sajis lea Grethe Julianne Skum, nuorra taleanta gii lea leamaš jođiheaddjin Álttá Sámiid Searvvis ja okta dain nuorra jienain gii ovddastii sámi vuoigatvuođaid Fosen-áššis.
Dasto leat nana ja hárjánan namat nugo Nils Mikkelsen Utsi, Ragnhild Enoksen, Audhild Marie Pettersen, Marianne Vorren Wilhelmsen, Anders Oxlund Enoksen, Per Johnny Sara ja Arne Jørgensen. Dát lea joavku mas lea viiddis gelbbolašvuohta ja mas lea stuorra beroštupmi sámi servodahkii.
– Mis leat kandidáhtat geain lea beruštupmi sámi servodagas, gielas ja kultuvrras, ja geat duođaid háliidit dahkat erohusa. Dál mii illudit válgagižžui ja deaivvadit jienasteddjiiguin, dadjá Muotka.
Her er NSRs liste i Nordre valgkrets:
- Silje Karine Muotka, 1975, Áltá
- Marit Mikkelsdatter Kemi, 1978, Áltá
- Hanne Marion Gaup, 1954, Hámmerfeasta
- Tor Bjørnar Henriksen, 1964, Áltá
- Grethe Julianne Skum, 2001, Áltá
- Nils Mikkelsen Utsi, 1965, Áltá
- Ragnhild Enoksen, 1956, Návuotna
- Audhild Marie Pettersen, 1965, Láhppi
- Marianne Vorren Wilhelmsen, 1982, Áltá
- Anders Øxlund Enoksen, 1991, Návuotna
- Per Johnny Sara, 1977, Áltá
- Arne Jørgensen, 1957, Áltá