Sámedikki dievasčoahkkin juovlamánu 3.-6. beivviid

Dás beasat čuovvut áššemeannudeami streama bokte!

Sámediggi meannuda čuovvovaš áššiid dievasčoahkkimis:

• Ášši 048/24 Sámediggeráđi doaibmadieđáhus – juovlamánnu 2024
• Ášši 049/24 Ođđa áššiid dieđiheapmi
• Ášši 051/24 Sámedikki strategiijat sámegiel oahpponeavvoráhkadeapmái 2025-2028
• Ášši 052/24 Sámedikki árvalus boazodoallošiehtadussii 2025/2026
• Ášši 053/24 Sámedikki vuordámušat FeFo:i ollašuhttit Finnmárkolága ulbmila
• Ášši 054/24 Sámediggeráđi čilgehus álgoálbmogiid biebmosystemaid ja sámi biepmu birra
• Ášši 055/24 Sámedikki 2025 bušeahtta
• Ášši 056/24 Guovttegielatsuohkaniid ja giellaguovddážiid 2023 raporteren
• Ášši 057/24 Eanandoallošiehtadallamat 2025
• Ášši 058/24 2nd International Gathering of Indigenous Salmon Peoples 2024
• Ášši 059/24 Sámedikki válganammagotti nammadeapmi
• Ášši 060/24 Sámediggeráđi čilgehus válggaid ja válgačađaheami birra
• Sak 060/24 Sametingsrådets redegjørelse om valg og valggjennomføring

Ášši 049/24 Ođđa áššiid dieđiheapmi:

NSR sámediggejoavku lea ovddidan čuovvovaš ođđa áššiid:

Evttohus 4 – Jienasteapmi Sámedikki divasčoahkkimis

Áirras Ann Karin Kvernmo, NSR Viestarmera válggabijrra

Sámi jienasteaddjit ánssášit diehtit mo sámediggeáirasat jienastit Sámedikki dievasčoahkkimis. Sámedikki dievasčoahkkimis eai leat dieđut dan birra mo áirasat jienastit, geavatlaččat dieđihuvvo dušše dievasčoahkkinbeavdegirjjiin man ollugat leat jienastan evttohusa beali ja vuostá.

Čalmmustahttit mo áirasat leat jienastan livččii nanusmahttit sámi demokratiija.

Forslag 6 – Oktasaš oahppoplánat sámi gielaide beroškeahttá riikarájiin

Áirras Beaska Niillas, NSR Nuortaguovllu válgabiire

ON álgoálbmot rivttiid julggaštus addá álgoálbmogii rievtti mearridit sin oahppoásahusaid ja vuogádagaid badjel. Álgoálbmogis lea maiddái riekti mearridit sin giellaovdáneami badjel.
Danin ferte dál ásahuvvot oktasaš oahppoplána sámegielas skuvllaide olles Sámis. Dát boahtá nannet oktavuođaid sámiid gaskka beroškeahttá riikarájáide, mii lea dárbbašlaš go galgá nannet ja ovdánahttit sámegiela.
Sápmelaččat gullet ovtta álbmogii, juhkkojuvvon njealji riikii. Skuvlavuogádat lea dáruiduhtten min mánáid. Eiseválddit daid njealjji riikkain eai vel otne ge váldde doarvái ovddasvástádusa ovddidit sámegiela ja servodatovdánahttima. Sápmelaččain lea otne viissis váldi mearridit oahppoplána muhttin fágain, muhto leat lihkká gáržžideamit ollislaš hábmemii ja sisdollui. Skuvla hábme servodaga, ja danne lea dehálaš ahte mii ieža beassat mearridit sisdoalu skuvllas.
Bargu oktasaš oahppoplánain boahtá maid addit vejolašvuođa ásahit oktasaš skuvllaid beroškeahttá rii kkarájáide.