Åarjel-Saepmie veeljemegievlie

- Veeljememagasijne (lïngke båata)
- Gie tjuara åvtelhbodti jienestidh

NSR åarjelsaemien veeljemegievlesne sæjhta dan åvteste barkedh.

Saemiedigkie reaktabarkoem jïh SRU2:m åarjelsaemien dajvesne bæjjese fulkie.
Buerebe saemien reaktavaarjelimmie industrijetseegkemen jïh jeatjah skilkehtassi vööste mah båatsoem, gïelem jïh kultuvrem aejhtieh. Voerkesvoete båatsoen tjåenghkies maajsoej jïh haestemi bïjre.
Daajroes reereme juvrijste, aaj aarhtse, juktie nænnoes båetijem aejkiem båatsose jïh gåetienkreekide tjirkedh.
Maahtoem saemien gïelen, kultuvren jïh histovrijen bïjre nænnoestidh maanagïertine, ööhpehtimmesne jïh healsoesuerkesne.
Upmeje- jïh åarjelsaemien gïelh tjirkedh jïh evtiedidh guktie dah aaj båetije boelvine jielieh.
Tsiehkide bueriedidh saemien tjeahpoe- jïh kultuvrebarkijidie, jïh saemien kultuvrebievnemem nænnoestidh.
Faalenassem SANKS:ste vijriedidh guktie psykiske salkehtimmieh åarjelsaemien dajvesne dorjesuvvieh jïh tjïelten POSOM-dåehkieh saemien maahtoem utnieh. Saemien healsoeviermieh gaajhkine gïelereeremetjïeltine jïh lïhkes dajvine tseegkedh juktie jearsoe healsoe- jïh sosijaalefaalenassem tjirkedh.
Saemien tjåanghkoesijjieh jïh gïeleareenah tjirkedh jïh evtiedidh mah gaajhkesh feerhmieh. Saemien institusjovnh jïh gïelejarngh nænnoestidh mah vierhtieh, faalenassh jïh darjomh buerebelaakan nuhtjieh, jïh saemien gåetien åvteste barkedhTråantesne.
Jienebh saemien learoevierhtieh dorjesuvvieh jïh saemienlïerehtimmiem maanagiertesne, maadth- jïh jåarhkeskuvlesne tjirkedh. Lohkemefaalenassh lissiehtidh jïh sjïehteladtedh ihke jollebe ööhpehtimmie jïh jåarhkeööhpehtimmie åarjelsaemien gïelesne vielie jaksoes jïh vietseles sjidtieh.
Daajroesertemem vætneste orre boelvide tjirkedh.
Saemien gïelem jïh kultuvrem byögkeles sijjesne vååjnedehtedh, jïh aerpievuekien saemien aalkoeåålmegedaajroem reeremisnie nænnoestidh. Kultuvremojhtesevaarjelimmiem jïh aerpievuekien aalkoeåålmegedaajroem reeremisnie nænnoestidh, jïh lissiehtamme dåarjoen jïh laavenjostoen åvteste barkedh saemien byjresi jïh voenges seabradahki gaskem.
Saetniesvoete- jïh liktemekommisjovnen reektehtse barkoem åvtese muana, jïh juvnehtimmieh meatan politihkesne båatsose, gïelese, healsose, ööhpehtæmman jïh kultuvrese.

Daesnie maahtah steemmadidh veeljemebiejjien:

Gaala / Grane
Aarborte / Hattfjelldal
Hïejmenaassjoe / Hemnes
Levangke / Levanger
Malvik
Nååvmesjenjaelmie / Namsos
Raane / Ruovat / Rana
Rørose / Plaassja / Røros
Raarvihke / Røyrvik
Snåase / Snåsa
Stïentje / Steinkjer
Skïerde / Sjïeredaelie / Stjørdal
Tråante / Trondheim
Vaaptse / Vefsn
Vïeredaelie / Verdal

Tjuara åvtelhbodti steemmadidh

Jis dov tjïelte ij læstosne, tjoerh åvtelhbodtisteemmadidh åvtelen skïereden 5. biejjien. Jis ih edtjh dov tjïeltesne årrodh gusnie leahalmetjeregistreradamme veeljemebiejjien skïereden 8.biejjien, tjoerh åvtelhbodtisteemmadidh.