Doaibmaprográmma

DEARVVAŠVUOHTA JA FUOLAHUS

NSR áigu bargat dáid áššiid ovdii:

  • ahte Sámediggi oažžu vuoigatvuođa nammadit stivralahtuid dearvvašvuođaásahusaide
  • ahte sámi spesialistadoavtterguovddážat ovdánahttojuvvojit sámi gealboguovddážin somáhtalaš medisiinnas, ja organiserejuvvo ovttas SÁNAG:ain
  • nannet sámi dearvvašvuođalaš organisašuvnnaid ja sihkkarastin dihte geavaheddjiidorganisašuvnnaid ásaheami, Sámedikki váikkuhangaskaomiid bokte
  • sihkkarastin dihte sámi perspektiivva ovttasdoaibmanreforbmii
  • sihkkarastit gelbbolašvuođa sámi giella ja kultuvrraáddejumis Mánáid-, nuoraid- ja bearašetáhtas (Bufetat)
  • ahte heahtedieđihanbálvalusas lea bistevaš sámegielagelbbolašvuohta
  • ahte sihkkarastojuvvojit doarvái dulkabálvalusat ja sámegielat dieđut sámi divššohasaide buohcciviesuin
  • nannet sámi gelbbolašvuođa Stáhta mánáidvissui Romssas
  • ahte sámi mánáid vuoigatvuođat gillii ja kultuvrii sihkkarastojuvvojit  deaivvadettiin mánáidsuodjalusbálvalusain, biepmoruovttuin, ja mánáidsuodjalusásahusain
  • váikkuhit dan láhkai ahte čađahuvvo kampánja oaččuhit sámi biepmoruovttuid
  • ahte ásahuvvo sámi mánáidáittardeaddji
  • duohtan dahkat sámi árvodáhkádus vuorrasiidda. Sámi vuorrasiin galgá leat vuoigatvuohta fuolahussii mas vuorrasiid sámi giella ja kultuvra váldo vuhtii
  • ahte SÁNAG:is galgá leat bistevaš dikšonfálaldat sápmelaččaide miehtá riikka, ja ain leat našunála gealboguovddáš
  • ahte iešsorbmeneastadanbargu nannejuvvo
  • ásahit eanet gárrenmirkkohis fálaldagaid sámenuoraide
  • ahte sámi divššohasat galget sáhttit hállat sámegiela Divššohasmátkkiin
  • ásahit sámi buohccidivššároahpahusa
  • ahte oahpahuvvojit eambbo sámegielat dearvvašvuođa- ja sosiálabargit, ja bargit láhkarihkkuid áimmahuššamii.

Pages: 1 2 3 4 5 6 7 8 9 10 11 12 13 14

Leave a Reply

This site uses Akismet to reduce spam. Learn how your comment data is processed.