Doaibmaprográmma

GIELLA

NSR áigu bargat dáid áššiid ovdii:

  • ahte ásahuvvo bearráigeahččanorgána dahje áittardeaddji sámegiela ektui, earret eará sihkkarastin dihte ahte sámelága giellanjuolggadusat čuvvojuvvojit
  • ahte ásahuvvojit eanet sámi giellaguovddážat
  • ahte giellaguovddážiid vuođđoruhtadeapmi nannejuvvo
  • ahte ásahuvvo máŋggajagáš strategalaš prográmma sámi giellaguovddážiidda, sihkkarastin dihte eanet einnostumi giellaguovddážiid prošeaktabargguide
  • ahte movttiidahttojuvvo ávkkástallat giellaguddiid ja reálagelbbolašvuođa sámegielaoahpahusas juohke dásis
  • ahte sámi báikenamat geavahuvvojit geaidnogalbbain ja kárttain gos sámi báikenamat gávdnojit
  • ahte hutkojuvvojit eanet sámi geaidnonamat gos dat lea lunddolaš
  • ahte buot almmolaš visttiide sámi guovlluin biddjojit galbbat sámegillii
  • ásahit sámegielat láidesteddjiid movttiidahttin dihte sámegiela geavaheapmái ásahusain
  • láhčit sámegiela geavaheapmái diehtojuohkin- ja gulahallanteknologiijas
  • láhčit vai leat hálli sátnegirjjit sámegillii
  • buvttadit eanet prográmmaid dihtortelefuvnnaide ja neahttabreahtáide sámegillii
  • ahte sámegiella šaddá lunddolaš oassin mánáid árgabeaivvis earret eará multimediaid ja girjjálašvuođa bokte
  • joatkit rávisolbmooahpahusloktema mas lea sámegiella guovddážis
  • heivehit Sámelága giellanjuolggadusaid vai sámi geavaheddjiid dárbbut leat guovddážis
  • heivehit Sámelága giellanjuolggadusaid nu ahte dat bohtet ávkin buot sápmelaččaide, beroškeahttá guđe gielddas ásset
  • ahte rávis sápmelaččaid vuoigatvuohta sámegielaoahpahussii sihkkarastojuvvo lága ja ruhtadanortnegiid bokte, earret eará dan bokte ahte oastit olbmuid friddja barggus oahppan dihte sámegiela bargoáiggis.

Pages: 1 2 3 4 5 6 7 8 9 10 11 12 13 14

Leave a Reply

This site uses Akismet to reduce spam. Learn how your comment data is processed.