Doaibmaprográmma

EALÁHUS JA ÁSSAN

Mii guoská BOAZODOLLUI áigu NSR bargat dan ala:

  • ahte boazodoalu areálasuodjaleapmi nannejuvvo dan bokte ahte našunálanjuolggadusat boazoguohtunguovlluide geavahuvvogohtet
  • ahte mearrádusat boazodoalulágas ja plána- ja huksenlágas ovttastahttojuvvojit nannen dihte boazodoalu váikkuhanfámu servodatplánemis
  • ahte boazodollui sihkkarasto albma vejolašvuohta searvat plánaproseassaide
  • ahte boazodollui sihkkarasto vejolašvuohta riidočoavdinorgánii nu go eará ealáhusat ge
  • ahte boazodollui eanet go dál sihkkarastto iešstivrejupmi, boazodoalolága rievdadeami bokte
  • ahte ovttas NBR:ain, boazodoalohálddahusain ja departemeanttain čađahuvvo čielggadus boazodoalu boahttevaš hálddašeamis, dása gullá maid Sámedikki rolla
  • ahte ceavzilvuođadoahpaga (ekologalaš, ekonomalaš ja kultuvrralaš ceavzilvuohta) sisdoallu operašonaliserejuvvo ovttas ealáhusain
  • ahte Jernbaneverket gohččojuvvo sihkkarastit daid gaskkaid ruovdemáđija bokte gos lea várra, eastadan dihte bohccuid vuddjomis
  • geahpedit geainnuid sáltema daid guovlluin gos bohccot johtet.

Mii guoská GUOLÁSTEAPMÁI áigu NSR bargat dan ala:

  • sihkkarastit riektevuođu sámi vuoigatvuođaide mearrariggodagaide
  • ahte guolástusresurssat eanet go ovdal hálddašuvvojit regionálalaččat sihkkarastin dihte báikkálaš ja sámi váikkuhanfámu ja árvoháhkama
  • vai guolleeriid ođđasisjuohkin boahtá buorrin unnit bivdofatnasiidda.

Mii guoská EANADOLLUI áigu NSR bargat dan ala:

  • ahte eanandoallu nannejuvvo gilážiin, iehčanassii ja ovttas eará ealáhusaiguin
  • bidjat eanet deattu báikkálaš resurssaid geavaheapmái ja ávkkástallamii, dása gullá lasihuvvon báikkálaš viidásatbuvttadeapmi
  • ahte eanet go ovdal lea vejolaš bargat eanandoaluin nu unnán go vejolaš kemiijalaš šáddosuddjenávdnasat.

Mii guoská MEAHCCE- ja LOTNOLASEALÁHUSAIDE

  • ahte meahcceealáhusaid resursavuođđu ja ealáhusdolliid vuoigatvuođat nannejuvvojit gullevaš meahccelágain, main lea árbevirolaš resursahálddašeapmi vuolggasadjin
  • ahte lotnolasealáhusat nannejuvvojit oassin mas lea heivehanmunni sámi ealáhusheiveheamis
  • ahte reguleren mohtorjohtolagas meahccis ferte sihkkarastit ahte sámi ealáhusdoaimmat ja luondduriggodagaid ávkašuvvan sáhttá ovdánahttojuvvot ceavzilis vuogi mielde
  • ahte Sámedikki rolla nannejuvvo ealáhuspolitihkalaš ja hálddahuslaš áššiid hárrái.

Mii guoská SÁMI FITNODATÁLGGAHEAPMI/ENTREPRENEVRAVUOHTA JA OĐĐAHUTKAMII áigu NSR bargat dan ala:

  • ahte ásahuvvo gealboguovddáš sámi ođđahutkamii ja fitnodatálggaheapmái
  • ahte kvaliteahtabargu sámi mátkkoštusovdáneamis nannejuvvo
  • ahte našunála ja regionála mátkkoštusealáhusat sihkkarastot čielga sámi sisdoalu
  • ahte sámi fitnodatálggaheapmi sihkkarasto ja ovdánahttojuvvo, earret eará fitnodatálggahanprošeavtta Indigee bokte
  • dagahit álkibun sámi biebmobuvttadeddjiide geavahit árbevirolaš vugiid álgoávdnasiid muohkadit.

Pages: 1 2 3 4 5 6 7 8 9 10 11 12 13 14

Leave a Reply

This site uses Akismet to reduce spam. Learn how your comment data is processed.